२ प्रतिशत बढी संस्थापक सेयर हुनेले राष्ट्र बैंकबाट अनुमति लिनुपर्ने

मुख्य समाचार

गृहपृष्ठ
मुख्य समाचार

२ प्रतिशत बढी संस्थापक सेयर हुनेले राष्ट्र बैंकबाट अनुमति लिनुपर्ने

क्यापिटल नेपाल मंगलबार, भदौ २३, २०७७

काठमाडौं । २ प्रतिशत भन्दा धेरै संस्थापक सेयर हुने सेयरधनीले धितोबन्धक राख्दा नेपाल राष्ट्र बैंकबाट अनुमति लिन पर्ने भएको छ ।

बैंक तथा वित्तीय संस्थाहरुलाई मंगलबार जारी गरेको एकीकृत निर्देशनमा कुनै पनि बैंक तथा वित्तीय संस्थामा २ प्रतिशत भन्दा धेरै संस्थापक सेयर हुनेले सेयर धितो कर्जा लिंदा अनिवार्य रुपमा राष्ट्र बैंकको स्वीकृति लिनुपर्छ ।

‘कुनै पनि इजाजतपत्र प्राप्त संस्थाको २ प्रतिशत वा सोभन्दा धेरै सेयर धारण गर्ने संस्थापक सेयरधनीले बैंकको स्वीकृति लिएर मात्र आफ्नो नामको सेयर अन्य बैंकमा धितोबन्धक राख्न वा बिक्री गर्न सक्ने निर्देशनमा उल्लेख छ ।

संस्थापक सेयरधनीले सेयर धितोकर्जा लिने क्रममा जुन संस्थाको सेयर धितो राखिने हो, सो संस्थाले निजको सेयर स्वामित्व तथा धितो रहे नरहेको विवरण समेत पेश गरी स्वीकृतिका लागि माग गर्नुपर्ने व्यवस्था गरिएको केन्द्रीय बैंकले जनाएको छ ।

यसैगरी संस्थापक सेयर धितो बन्धक राखी कर्जा प्रवाह गर्दा त्यस्तो कर्जाको नवीकरण तथा पुनर्संरचना र पुनर्तालिकीकरण गर्न नपाइने भएको छ।

प्रकाशित मिति: मंगलबार, भदौ २३, २०७७ २१:००

प्रतिक्रिया दिनुहोस्