अब जिल्लामा १५ दिनमै पासपोर्ट, काठमाडौं र काभ्रेमा सात दिनमा

मुख्य समाचार

गृहपृष्ठ
मुख्य समाचार

अब जिल्लामा १५ दिनमै पासपोर्ट, काठमाडौं र काभ्रेमा सात दिनमा

क्यापिटल नेपालआइतबार, असार १९, २०७९

काठमाडौं । राहदानी विभागले १५ दिनमै जिल्लामा पासपोर्ट पुग्ने जनाएको छ । आइतबार एक विज्ञप्ति जारी गर्दै विभागले जिल्लाबाट आवेदन दिएकाहरूले बढीमा १५ दिनमै पासपोर्ट पाउने व्यवस्था मिलाइएको जनाएको छ ।

जिल्ला प्रशासन कार्यालयबाट आवेदन भएका राहदानीहरूलाई विभागले प्रत्येक साता प्रिन्ट गरेर पठाउने व्यवस्था गरेकाले काठमाडौं उपत्यका भित्रका जिल्ला र काभ्रेमा आवेदन गर्नेहरूले एक साताभित्रमा र अन्य जिल्लाको हकमा १० देखि १५ दिनभित्र राहदानी प्राप्त गर्ने सुनिश्चितता मिलाइएको विभागको विज्ञप्तिमा उल्लेख छ ।

विभागमा दैनिक रूपमा आवेदन गर्नेको संख्या २ हजार ४ सय रहेको छ भने ५ हजारभन्दा बढी सेवाग्राहीलाई सेवा प्रदान गरिरहेकाे विभागकाे दाबी छ ।