८ जलविद्युत कम्पनीले २०५ करोडको आईपीओ ल्याउदै, कसको कति (सूचिसहित) 

account_box क्यापिटल नेपाल ,
प्रकाशित: २०७६ साउन २९, बुधबार,०१:२०:PM  
८ जलविद्युत कम्पनीले २०५ करोडको आईपीओ ल्याउदै, कसको कति (सूचिसहित) 

काठमाडौं । नेपाल धितोपत्र बोर्डमा जलविद्युत कम्पनीका मात्र साधारण सेयर (आईपीओ) निष्कासनका लागि आवेदन परेका छन् । ८ ओटा जलविद्युत कम्पनीले २ अर्ब ५ करोड ९८ लाख ५० हजार ६०० रुपैयाँ बराबरको २ करोड ५ लाख ९८ हजार ५०५ कित्ता आईपीओ निष्कासनका लागि बोर्डमा आवेदन दिएका छन । 

बोर्डले आईपीओ निष्कासनका लागि नियामक विद्युत नियमन आयोगको स्वीकृति लिन भनेपछि कम्पनीहरुले आवेदन दिन थालेका हुन । पछिल्लो समयमा सेयर बजारमा लगातार गिरावट आउन थालेपछि जलविद्युत कम्पनीको सेयर मूल्यमा गिरावट आएको छ । 

आईपीओ निष्कासनका लागि बोर्डमा आवेदन दिनेमा ग्रिनलाइफ हाइड्रोपावर लिमिटेड, लिवर्टी इनर्जी कम्पनी लिमिटेड, एनआरएन इन्फास्ट्रक्चर एन्ड डेभलपमेन्ट लिमिटेड, युनाइटेड इदीमार्दी एन्ड आरबी हाइड्रोपावर लिमिटेड रहेका छन् । 

यस्तै शुभम पावर लिमिटेड मैलुङखोला जलविद्युत कम्पनी लिमिटेड, माउन्टेन इनर्जी नेपाल लिमिटेड र शिवश्री हाइड्रोपावर लिमिटेड रहेका छन् । एक दर्जन कम्पनीले आईपीओ निष्कासनका लागि नियमन आयोगमा निवेदन दिएका छन । 

जलविद्युत बाहेक सीआईबीएल क्यापिटल लिमिटेड, इमर्जिङ नेपाल लिमिटेडले आईपीओ निष्कासन गर्न आवेदन दिएको बोर्डले जनाएको छ । गत असार १३ गतेपछि बोर्डले आईपीओ निष्कासनका लागि अनुमति दिएको छैन । 

बिमा समितिले सञ्चालन अनुमति दिएका १३ ओटा बिमा कम्पनीको आईपीओ आउने भएका छन् । सञ्चालनमा आएको २ वर्षपछि मात्र आईपीओ निष्कासन गर्न पाउने भएपछि कम्पनीहरुले अहिले साधारणसभाबाट सर्वसाधारणलाई सेयर जारी गर्ने प्रस्तावलाई पारित गराउन थालेका छन् । 

सूची हेर्न यहाँ क्लिक गर्नुहोस 

 

क्यापिटल नेपाल

थप

expand_more
प्रतिक्रिया दिनुहोस
सम्बन्धित समाचार

क्याटेगोरी मुख्य समाचार बाट थप

Top // $this.children('p:not(:first-child)').wrapAll('
');