मनकामना मन्दिर पुननिर्माण सम्पन्न, १८ किलो सुन प्रयोग

मुख्य समाचार

गृहपृष्ठ
मुख्य समाचार

मनकामना मन्दिर पुननिर्माण सम्पन्न, १८ किलो सुन प्रयोग

क्यापिटल नेपालसोमबार, मंसिर २, २०७६

काठमाडाैं । २०७२ वैशाख १२ गतेको भूकम्पले क्षति पुर्याएको तीन वर्षमा गोरखा मनकामना मन्दिरको पुननिर्माण सम्पन्न भएको छ । भुकम्प पछि मन्दिर मर्मत मात्र गर्ने कुरा भए पनि प्राविधिकहरुले जगदेखि पुुननिर्माण गर्नुपर्ने बताएका थिए । अहिले मन्दिरको पुननिर्माण पहिलेको भन्दा बलियो गरि भएको मनकामना मन्दिर जिर्णद्वार समितिका सचिव प्रेमकुमार श्रेष्ठले बताए ।

उनका अनुसार मन्दिर पुननिर्माणमा १५ करोड रुपैयाँ लागत लागेको छ । जसमा ४ करोड नेपाल सरकारको र बाँकी ११ करोड सहयोगी दाताहरुबाट संकलन भएको हो । उनले भने ‘११ करोड सहयोगी दातामा सबै भन्दा धेरै १ करोड २५ लाख रुपैयाँ मनकामना केवलकार र १ करोड १५ लाख रुपैयाँ सहयोग योगेश्वर अमात्यले गरेका छन् ।’ मन्दिर पुननिर्माण गर्दा साढे १८ किलो सुन प्रयोग गरिएका श्रेष्ठले बताए ।

भुकम्प पछि कम भएको दर्शनार्थीहरुको संख्या पुनर्निमाणपछि बढ्न थालेको मनकामना क्षेत्र विकास समितिका कार्यकारी निर्देशक गिरीधारी सापकोटाले जानकारी दिए । उनले भने ‘मनकामना दर्शन गर्ने आउने स्वदेशी मात्र होइन, भारतीय पर्यटकको संख्या पनि निकै बढेर दिनमै १० हजार भक्तजन आउने गरेका छन् ।’ सापकोटाले मन्दिर क्षेत्रलाई अझ व्यवस्थित, भजन घरलगायतका पूर्वाधार पुननिर्माणमा सहयोग गर्न राष्ट्रिय पुनर्निर्माण प्राधिकरणलाई आग्रह गरेका छन् ।

राष्ट्रिय पुननिर्माण प्राधिकरणका प्रमुख कार्यकारी अधिकृत सुशील ज्ञवालीले मनकामना क्षेत्रमा बाँकी रहेका पुनर्निर्माणका कामलाई अघि बढाउन प्राधिकरणले सहयोग गर्ने बताए । उनले मन्दिर क्षेत्रलाई थप व्यवस्थित र योजनाबद्ध रुपमा काम गर्नका लागि राष्ट्रिय पुनर्निर्माण प्राधिकरणले मनकामनाको गुरुयोजना तयार पार्न लागेको समेत बताए । स्थानीयका अनुसार मनकामना मन्दिरमा पुग्न आठ ठाउँबाट बाटो खोलिएको छ । तर कुनै पनि कालोपत्रे भएको छैन । उनीहरुले एउटा बाटो मात्र भए पनि सरकारले कालोपत्रे गरिदिनु पर्ने माग राख्दै आएका छन् ।

प्रकाशित मिति: सोमबार, मंसिर २, २०७६ १६:५२

प्रतिक्रिया दिनुहोस्