माथिल्लो तामाकोसीलाई छोएन कोरोना भाइरसले, आयोजना निर्माणको काम जारी

पूर्वाधार

गृहपृष्ठ
पूर्वाधार

माथिल्लो तामाकोसीलाई छोएन कोरोना भाइरसले, आयोजना निर्माणको काम जारी

क्यापिटल नेपाल सोमबार, चैत १०, २०७६

काठमाडौं । कोरना भाइरले नेपालमा निर्माणधिन विभिन्न जलविद्युत आयोजनालाई प्रभावित बनाए पनि ४५६ मेगावाटको माथिल्लो तामाकोसी जलविद्युत आयोजनाको काम भने सुचारु छ ।

हाल आयोजनाको बाँध परीक्षण काम सकिएको छ । बाँधमा पानी भर्ने काम जारी रहेको अपर तामाकोसी हाइड्रोपावर लिमिटेडका प्रवत्ता गणेश न्यौपानेले बताए । उनले बाँधमा कुनै समस्या नदेखिएको स्पष्टपारे ।

आजको दिनसम्म ३०० भन्दा बढी मजदुर तथा कर्मचारीले आयोजनामा काम गरिरहेको उनले सुनाए । कोरोनाले आयोजनाको काम प्रभावित नभएको उनले जानकारी दिए ।

पेनस्टक पाइप जडानको काम जारी रहेको उनले जानकारी दिए । पेनस्टकको काम सकिएपछि आयोजनाबाट बिजुली उत्पादन सुरु हुने छ । आउँदो असारसम्म एउटा युनिटबाट ७६ मेगावाट बिजुली उत्पादन गर्ने लक्ष्य लिइएको छ । आयोजनको काम अन्तिम चरणमा पुगेको छ ।

प्रकाशित मिति: सोमबार, चैत १०, २०७६ १२:५४

प्रतिक्रिया दिनुहोस्