३ लघुवित्तको सेयर बेच्दै एनआईसी एसिया बैंक, न्यूनतम मूल्य ४६३ देखि ८१२ रुपैयाँ

मुख्य समाचार

गृहपृष्ठ
मुख्य समाचार

३ लघुवित्तको सेयर बेच्दै एनआईसी एसिया बैंक, न्यूनतम मूल्य ४६३ देखि ८१२ रुपैयाँ

क्यापिटल नेपालबिहीबार, माघ ८, २०७७

काठमाडौं । एनआइसी एसिया बैंकले आफ्नो स्वामित्वमा रहेका ३ वटा लघुवित्त संस्थाको १० लाख ९६ हजार १५९ कित्ता संस्थापक सेयर बिक्री खुला गरेको छ ।

आरएमडीसी लघुवित्त वित्तीय संस्था लिमिटेडको ४ लाख ३६ हजार ३६१, माहुली सामुदायिक लघुवित्त वित्तीय संस्था लिमिटेडको ६१ हजार २०० र मेरो माइक्रोफाइनान्स वित्तीय संस्था लिमिटेडको ५ लाख ९८ हजार ५९८ कित्ता रहेको छ ।

बैंकले आरएमडीसीको सेयरमा न्यूनतम ५२३ रुपैयाँ, माहुलीको न्यूनतम ८१२ र मेरो माइक्रोफाइनान्सको न्यूनतम ४६३ रुपैयाँ तोकेको छ । आउँदो फागुन १२ गतेसम्म बोलपत्र पेश गर्न सकिने बैंकले जनाएको छ ।

आवेदकले न्यूनतम १० कित्ता र अधिकतम सबै कित्ताको लागि आवेदन दिन सक्नेछन् । ३ वटै कम्पनीको लिलामी आवेदन एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेश गर्न सकिनेछ ।

प्रकाशित मिति: बिहीबार, माघ ८, २०७७ १८:२४

प्रतिक्रिया दिनुहोस्