ऋण तिर्न एनबी ग्रुपले एनसीसी बैंकको सेयर बिक्री गर्दै

बैंकिङ

गृहपृष्ठ
बैंकिङ

ऋण तिर्न एनबी ग्रुपले एनसीसी बैंकको सेयर बिक्री गर्दै

क्यापिटल नेपालआइतबार, माघ २५, २०७७

काठमाडौं । विभिन्न बैंकहरुबाट लिएको कर्जा तिर्न एनबी ग्रुपले नेपाल क्रेडिट एन्ड कमर्श (एनसीसी) बैंकमा रहेको आफ्नो संस्थापक सेयर बिक्री गर्न लागेको छ ।

ग्रुपले २५ लाख कित्ता संस्थापक सेयर बोलकबोलबाट बिक्री गर्न लागेको हो । एनबी ग्रुपका सञ्चालक लक्ष्मीबहादुर श्रेष्ठ र जीतबहादुर श्रेष्ठले एनसीसीमा भएको संस्थापक सेयर बिक्री गरेर ऋण चुक्ता गर्न लागेका हुन । ग्रुपले प्रतिकित्ता न्यूनतम मूल्य १४० रुपैयाँ राखेर सेयर बिक्री गर्न लागेको छ ।

बैंकको सेयर प्रतिकित्ता १४० रुपैयाँलाई आधार मान्दा ३५ करोड रुपैयाँ हुन्छ । ग्रुप र श्रेष्ठ दाजुभाईको गरी बैंकमा करिव ७५ लाख कित्ता संस्थापक सेयर छ । २५ लाख कित्ता बिक्रीपछि संस्थापक सेयर स्वामित्व घटेर ५० लाख कित्तामा झर्नेछ । लगानी गर्ने रकम नभएपछि ग्रुप र श्रेष्ठ दाजुभाईले हकप्रद सेयर खरिद गरेनन ।

त्यसपछि उनीहरुको बैंकमा स्वामित्व घटेको हो । ३ वर्षअघि पनि ग्रुपले ७० लाख कित्ता संस्थापक सेयर बिक्री गर्न लागेको थियो । त्यसबेला ग्रुपले प्रतिकित्ता न्यूनतम २१० रुपैयाँ तोकेको थियो ।

नेपाल इन्स्योरेन्स कम्पनी लिमिटेडले सो भन्दा कम प्रतिकित्ता १७० रुपैयाँ न्यूनतम दर राखेर प्रस्ताव आब्हान गरेपछि एनबी ग्रुप र श्रेष्ठ दाजुभाईको सेयर बिक्री भएन । ग्रुपको नाममा विभिन्न बैंकमा करोडौं रुपैयाँ ऋण रहेको छ । बोलपत्रमा भाग लिनेले सो रकम भन्दा बढी प्रस्ताव गर्नुपर्ने बैंकले जानकारी दिएको छ ।

फागुन २ गतेदेखि बोलपत्र खुला भई फागुन ९ गतेसम्म प्रस्ताव पेश गर्नुपर्ने छ । न्यूनतम १ हजार अधिकतम सबै सेयर खरिदका लागि प्रस्ताव पेश गर्नुपर्ने बैंकले जनाएको छ । सेयर बिक्री प्रवन्धकमा सनराइज क्यापिटल लिमिटेड रहेको छ ।

प्रकाशित मिति: आइतबार, माघ २५, २०७७ ०९:२६

प्रतिक्रिया दिनुहोस्