दोलखामा खुल्दै पहिलो तारे होटल ‘एम्ब्रोसिया’, वैशाखबाट सञ्चालनमा आउने

account_box क्यापिटल नेपाल ,
प्रकाशित: २०७७ फागुन ५, बुधबार,०५:११:PM  
दोलखामा खुल्दै पहिलो तारे होटल ‘एम्ब्रोसिया’, वैशाखबाट सञ्चालनमा आउने

काठमाडौं । दोलखामा पहिलो पटक तारे होटल सञ्चालनमा आउने भएको छ । सदरमुकाम चरिकोटमा ‘ट्रेड बिजनेस’ गर्दै आएका व्यवसायी दिनेश बस्नेतले दुई तारे होटल एम्ब्रोसिया सञ्चालनमा ल्याउन लागेका हुन् ।

धार्मिक एवम् पर्यटकीय क्षेत्रको रूपमा परिचित हिमाली जिल्ला दोलखामा २०७८ वैशाखबाट सञ्चालनमा आउने गरी निर्माण भइरहेको बस्नेतले जानकारी दिए । होटलको भवन बाहेक १० करोड रुपैयाँ लगानी भएको छ । ३५ वटा कोठामा १ सय जनाको क्षमता छ । 

सुविधासम्पन्न बैंक्वेटसमेत होटलमा रहनेछ । बैंक्वेटको क्षमता ५ सय जनाको रहेको छ । १ सय जनाको क्षमताको मिटिङ हल र रुफटपमा रेष्टुराँमा समेत गरी १ हजार जनालाई एकै पटक होटलले सेवा दिन सक्नेछ । 

No description available.

होटलमा बस्नेले रुफटप रेष्टुराँँ, बैंक्वेट र सोना स्टिमको समेत सुविधा पाउने छन् । व्यावसायिक प्रायोजनका लागि बस्नेतले नै बनाएको भवनलाई होटलमा रूपान्तरण गरेका हुन् । २०७७ को असोजभित्रै होटल सञ्चालनमा ल्याउने गरी सुरुमा तयारी गरिएको भए पनि कोरोना भाइरस महामारीका कारण वैशाखबाट सञ्चालनमा ल्याउन थालिएको उनको भनाइ छ ।

होटलको बेड र कोठा भने पाँचतारे स्तरकै बनाइएको उनी बताउँछन् । सुरुमा तीनतारे होटल बनाउने सोचका साथ अघि बढे पनि बेड संख्या कम भएकाले दुई तारे मात्र हुने बताइएको छ । त्यसका लागि आवश्यक पूर्वाधारहरू पर्याप्त रहेको सञ्चालक बस्नेतको भनाइ छ ।

No description available.

सो होटलको रेष्टुराँलाई भने सामान्यदेखि भीआईपीहरूलाई समेत लक्षित गरीएको जनाएको छ । आन्तरिक पर्यटकको संख्या बढिरहेको बेला दोलखामा सुविधासम्पन्न होटलहरू नभइरहेको बेलामा दुईतारे होटल सञ्चालनमा आउन लागेको हो । धेरै पर्यटकहरू सुविधासम्पन्न होटल नभएकै कारण एकै दिनमा कालिञ्चोक र भीमेश्वर मन्दिरको दर्शन गरेर फर्कने गरेका छन् । 

लामो समयदेखि व्यवसाय गर्दै आएका बस्नेत गोर्खा ब्रुअरी र सूर्य नेपालका दोलखाका लागि आधिकारिक बिक्रेता पनि हुन् । उनले दोलखामै कालिञ्चोक ड्रिङकिङ वाटर उद्योगसमेत सञ्चालन गर्दै आएका छन् । उनलाई दोलखाका सफल व्यवसायी भित्रमा लिने गरिएको छ । 

No description available.

उनी सहितको टिमले होटल भएकै भवनमा दोलखाकै पहिलो सुपरमार्केट ‘सुपर नाइन’ सञ्चालन गर्दै आएका छन् भने केही समयअघि मात्र सफल इन्टरप्राइजेज समेत सञ्चालनमा ल्याएका छन् ।

No description available.No description available.No description available.No description available.

 

क्यापिटल नेपाल

थप

expand_more
प्रतिक्रिया दिनुहोस
सम्बन्धित समाचार

क्याटेगोरी पर्यटन बाट थप

Top