डोटीकाे भूकम्प तस्वीरमा (फाेटाे फिचर)

मुख्य समाचार

गृहपृष्ठ
मुख्य समाचार

डोटीकाे भूकम्प तस्वीरमा (फाेटाे फिचर)

क्यापिटल नेपाल बुधबार, कात्तिक २३, २०७९

काठमाडाैं। राष्ट्रिय भूकम्प मापन केन्द्रका अनुसार डोटीस्थित खप्तड राष्ट्रिय निकुञ्ज क्षेत्रमा केन्द्रबिन्दु भएर ६.६ म्याग्निच्युडको भूकम्प गएको छ। मंगलबार मध्यरात २ बजेर १२ मिनेटमा गएको भूकम्पले ग्रामीण भेगका दर्जनौं घर भत्किएका छन्।

डोटीको पूर्वीचौकी गाउँपालिकाको वडा नं ३ गैरागाउँमा केही घर भत्किँदा घरमा च्यापिएर ६ जनाको मृत्यु भएको छ भने ५ जना घाइते भएका छन्।

मृत्यु हुनेमा पूर्वीचौकी गाउँपालिका–३ ठाडाँगाउँका भगवती बोहरा, सीता बोहरा, हर्क बोहरा, प्रेम बोहरा, तुलसी बोहरा र धनसरी बोहरा छन्। गाउँपालिकाका अध्यक्ष रामप्रसाद उपाध्यायले एकै घरका ३ सहित ६ जनाको मृत्यु भएको हाे।

भूकम्पमा परी ५ जना घाइतेकाे डाेटी अस्पतालमा उपचार भइरहेकाे छ। थप उद्धारका लागि नेपाल प्रहरी, सशस्त्र प्रहरी, नेपाली सेनाको टोली घटनास्थल पुगेकाे थियाे।

त्यसअघि राति ९ः७ बजे दिपायलमा केन्द्रबिन्दु बनाएर ५.७ म्याग्निच्युडको भूकम्प गएको थियाे । त्यसपछि पनि यहाँ पटक पटक झट्का महसुस भएको थियो। भूकम्पको झड्का कैलाली र कञ्चनपुरमा समेत महसुस भएको थियो।