काठमाडौंलाई प्रदेश राजधानीसँग जोड्ने कान्ति लोकपथमा बाढीपहिरोको त्रास (तस्बिरसहित)

फोटो फिचर

गृहपृष्ठ
फोटो फिचर

काठमाडौंलाई प्रदेश राजधानीसँग जोड्ने कान्ति लोकपथमा बाढीपहिरोको त्रास (तस्बिरसहित)टीकाभैरवदेखि भिमफेदी (बागमती पुलसम्म) ठाउँ–ठाउँमा पहिरो झरेको छ। पानी परेपछि बाटो हिलो भएर सवारीसाधन फस्ने समस्या छ। पानी परेको बेला हुस्सु लागेर भिजिबिलिटी निकै कम हुने गरेको छ।

क्यापिटल नेपालसोमबार, असार ९, २०८२

देशको केन्द्रीय राजधानी काठमाडौंलाई बागमती प्रदेशको राजधानी हेटौंडासँग जोड्ने सडकमध्ये टीकाभैरव–हेटौंडा सडक (कान्ति लोकपथ)अहिले सबैभन्दा चल्तीको सडक हो। पछिल्लो समय बीपी राजमार्गमा समस्या आएकाले हेटौंडा हुँदै पूर्व जाने सवारीसाधनले पनि यो सडक प्रयोग गर्ने गरेका छन्। बाढीको जोखिमका कारण अहिले बीपी राजमार्गमा बेलुका ६ बजेदेखि बिहान ५ः३० सम्म सवारीसाधन चलाउन रोक लगाइएको छ।

त्यसो त, टीकाभैरव–हेटौंडा सडक पनि जोखिमरहित भने छैन। टीकाभैरवदेखि भिमफेदी (बागमती पुलसम्म) ठाउँ–ठाउँमा पहिरो झरेको छ। पानी परेपछि बाटो हिलो भएर सवारीसाधन फस्ने समस्या छ। पानी परेको बेला हुस्सु लागेर भिजिबिलिटी निकै कम हुने गरेको छ।

यसैगरी भीमफेदी (बागमती खोला)देखि मकवानपुर गढीसम्म ठाउँठाउँमा सुक्खा पहिरो जाने अनि ढुंगा खस्ने भइरहेको छ। बाटो निर्माणको काम पनि भइरहेको छ।