सोल्टी होटल नेपालगञ्जलाई ‘वातावरण र दिगो विकास’ सम्बन्धी अवार्ड

मुख्य समाचार

गृहपृष्ठ
मुख्य समाचार

सोल्टी होटल नेपालगञ्जलाई ‘वातावरण र दिगो विकास’ सम्बन्धी अवार्ड

क्यापिटल नेपाल मंगलबार, असोज १३, २०७७

काडमाडौं । विश्व पर्यटन दिवसको अवसरमा सोल्टी वेस्टेण्ड प्रिमियर होटल नेपालगन्जले वातावरणमैत्री प्रविधि प्रयोग गरी वातावरण र दिगो विकासमा उल्लेखनीय योगदान सम्मान पाएको छ ।

पर्यटन दिवसको अवसरमा संस्कृति, पर्यटन तथा नागरिक उड्डयन मन्त्रालयले हरेक वर्ष विभिन्न विद्यामा सम्मानित गर्दै आएको छ । पर्यटन मन्त्रालयले सोल्टी वेस्टेण्डलाई वातावरण मैत्री प्रविधि प्रयोग गरी सुविधासम्पन्न होटल विस्तारमार्फत वातावरण र दिगो विकासमा उल्लेखनीय योगदान पुर्याएको ठहर गर्दै सम्मान गरेको हो ।

सोल्टी वेस्टेण्ड प्रिमियर होटल नेपालगन्ज, काठमाडौंस्थित सोल्टी होटलको उत्कृष्ट ब्रान्डमा सञ्चालित पाँचतारे स्तरमा वर्गीकृत प्रदेश नम्बर ५ को पहिलो होटल हो ।

काठमाडौंको सोल्टी होटल तथा नेपाली लगानीकर्ताहरू संघको सहकार्यमा सञ्चालित उपक्रम सोल्टी शिवविक्रम होटल तथा रिसोट्र्स प्राइभेट लिमिटेडको पहिलो होटलको रुपमा सञ्चालित सोल्टी वेस्टेण्ड नेपालको पहिलो अन्तर्राष्ट्रिय स्तरको वातावरण मैत्री लिड प्रमाणीकृत ग्रिन होटल हो ।

योसँगै अमेरिकाको वासिङटनस्थित स्वतन्त्र र गैरनाफामूलक संस्था यूएस ग्रीन विल्डिङ काउन्सिलबाट पर्यावरणमैत्री ग्रिन होटल ‘लिडरसिप इन इनर्जी एण्ड इन्वाइरन्मेण्टल डिजाईन‘ बाट प्रमाणित भई प्रमाणपत्र पाउने नेपाली होटल मध्येकै पहिलो हो ।

होटलमा ८१ वटा कोठा छ । होटल परिसर भित्रै पर्यटनलाई आवश्यक पर्ने प्राविधिक जनशक्ति तयार गर्नका लागि हस्पिटालिटी भोकेसनल ट्रेडिङसमेत सञ्चालनमा छ ।

प्रकाशित मिति: मंगलबार, असोज १३, २०७७ १३:४७

प्रतिक्रिया दिनुहोस्