सेयर बजार १०.८२ अंक बढ्यो, ५०० करोड नजिक कारोबार, नेपाल रि–इन्स्योरेन्समा लगानीकर्ता झुम्मिए

मुख्य समाचार

गृहपृष्ठ
मुख्य समाचार

सेयर बजार १०.८२ अंक बढ्यो, ५०० करोड नजिक कारोबार, नेपाल रि–इन्स्योरेन्समा लगानीकर्ता झुम्मिए

क्यापिटल नेपालबिहीबार, कात्तिक २७, २०७७

काठमाडौं । साताको अन्तिम दिन सेयर बजार १०.८२ अंक बढेको छ । बजार बढेर नेपाल स्टक एक्चेन्ज (नेप्से) परिसूचक १ हजार ७१८ अंकमा पुगेको छ ।

बजार बढेसँगै सेयर कारोबार रकममा पनि वृद्धि भएको छ । बिहीबार ४ अर्ब ८२ करोड ६२ लाख रुपैयाँ बराबरको १ करोड ३८ लाख ८९ हजार १८९ कित्ता सेयर किनबेच भएको नेप्सेले जनाएको छ ।

बिहीबार नेपाल रि–इन्स्योरेन्स कम्पनी लिमिटेडको सबैभन्दा बढी कारोबार भएको छ । नेपाल रिको प्रतिकित्ता ९८३ मा २८ करोड ५५ लाख रुपैयाँको सेयर किनबेच भएको छ ।

यसैगरी नेपाल टेलिकमको ९५४ मा २६ करोड ७ लाख र प्रभु बैंकको २८२ मा २० करोड ८२ लाख रुपैयाँको सेयर किनबेच भएको नेप्सेले जनाएको छ ।

बिहीबार बैंक, व्यापार, निर्जिवन बिमा र म्युचअल फण्ड सूचक बढेका छन् । यस्तै विकास बैंक, वित्त, जलविद्युत, लघुवित्त, उत्पादनमूलक र जीवन बिमा परिसूचक घटेका छन् ।

बजार बढ्दा विशाल बजार कम्पनी लिमिटेड, साल्ट ट्रेडिङ कर्पोरेशन लिमिटेड र नाडेप लघुवित्त वित्तीय संस्था लिमिटेडका लगानीकर्ताले कमाएका छन् ।

प्रकाशित मिति: बिहीबार, कात्तिक २७, २०७७ १५:१६

प्रतिक्रिया दिनुहोस्