सेयर अपडेटः ४६.५४ अंकले बढेको बजारमा नेपाल पुनर्बिमा कम्पनीको सर्वाधिक कारोबार

मुख्य समाचार

गृहपृष्ठ
मुख्य समाचार

सेयर अपडेटः ४६.५४ अंकले बढेको बजारमा नेपाल पुनर्बिमा कम्पनीको सर्वाधिक कारोबार

क्यापिटल नेपालबुधबार, मंसिर १०, २०७७

काठमाडौं । बुधबार कारोबारको दोस्रो घण्टामा नेप्से परिसूचक ४६ दशमलव ५४ अंकले बढेर १ हजार ८४७ दशमलव ४४ विन्दुमा पुगेको छ ।

कारोबार सुरु भएदेखि नै उकालो लागेको बजार कारोबारको दोस्रो घण्टामा २ दशमलव शून्य ६ प्रतिशत बढेको हो ।

दोस्रो घण्टाको अवधिमा १९२ वटा कम्पनीको २ अर्ब ४० करोड ४३ लाख रूपैयाँ बराबरको ७७ लाख ७४ हजार ८७५ कित्ता सेयरको खरीदविक्री भएको छ ।

कारोबारको दोस्रो घण्टामा एनएमबी माइक्रोफाइनान्स वित्तीय संस्था। शिवम् सिमेण्ट्स र विशाल बजार कम्पनीको सेयरमूल्य सबैभन्दा बढी १० प्रतिशतले वृद्धि भएको छ ।

दोस्रो घण्टामा कारोबारमा आएका १२ वटा समूहको परिसूचकमध्ये सबै समूहको परिसूचक बढ्दा समग्र नेप्से बढेको हो । जसमध्ये उत्पादन तथा प्रशोधन समूहको परिसूचक सबैभन्दा बढी ६ दशमलव १३ प्रतिशतले बढेको छ ।

यस अवधिसम्म नेपाल पुनर्बिमा कम्पनीको सर्वाधिक कारोबार भएको छ । उक्त कम्पनीको १८ करोड ९३ लाख रूपैयाँ बराबरको सेयर कारोबार भएको छ । सो अवधिसम्म कम्पनीको सेयर मूल्य १ हजार २ सय २८ रूपैयाँमा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा नबिल बैंक छ । उक्त कम्पनीको प्रतिकित्ता १ हजार ८ रूपैयाँमा १५ करोड २० लाख रूपैयाँबराबरको सेयर खरिद बिक्री भएको छ ।

प्रकाशित मिति: बुधबार, मंसिर १०, २०७७ १३:१५

प्रतिक्रिया दिनुहोस्