महासङ्घको रिक्त कोषाध्यक्षमा केसी, हिराचन र श्रेष्ठको नाम चर्चामा

राजनीति

गृहपृष्ठ
राजनीति

महासङ्घको रिक्त कोषाध्यक्षमा केसी, हिराचन र श्रेष्ठको नाम चर्चामा

क्यापिटल नेपालमंगलबार, असार ३, २०७६

काठमाडौं । नेपाल उद्योग वाणिज्य महासङ्घमा ज्ञानेन्द्रलाल प्रधानले कोषाध्यक्षबाट राजीनामा दिएपछि रिक्त रहेको पदमा महासङ्घले नयाँ कोषाध्यक्षका लागि पहल थालेको छ ।

कोषाध्यक्ष पदका लागि महासङ्घका केन्द्रीय सदस्य निरक केसी, शकुन्तलाल हिराचन र अञ्जन श्रेष्ठको नाम चर्चामा छ ।

महासङ्घका अध्यक्ष भवानी राणाले केही दिनभित्र कोषाध्यक्षका लागि कार्यसमिति बैठकमा प्रस्ताव हुने बताइन् । ‘अहिले हामी कोषाध्यक्षका लागि परामर्श गरिरहेका छौं, केही साथीहरुको नाम प्रस्ताव पनि आएको छ,’ उनले भनिन् । कार्यसमितिसँग सल्लाह गरेर कोषाध्यक्ष नियुक्त गरिने उनले बताइन् ।

प्रधानले महासङ्घअन्तर्गतको कृषि उद्यम केन्द्रमा अनियमितता भएको र सो विषयलाई महासङ्घमा छलफल नगरी बाहिर सार्वजनिक गरेको आरोप लागेपछि प्रधानले राजीनामा गरेका थिए ।

प्रधानले आफू कोषाध्यक्ष भएदेखि नै केन्द्रमा आर्थिक अनियमितता भएको बताउँदै आएका थिए । महासङ्घका अध्यक्ष राणा र केही पदाधिकारीका साथै कर्मचारीले अनियमितता गरेको आरोप प्रधानले लगाएपछि महासङ्घमा प्रमाणसहित पेस गर्न उनलाई भनिएको थियो ।

प्रधानले विभिन्न मिडियामा महासङ्घको अनियमितताबारे बोलेका थिए । प्रधानले मिडियामा बोलेको अडियो महासङ्घको बैठकमा अध्यक्ष राणाले प्रस्तुत गरेपछि प्रधानले राजीनामा गरेका थिए ।

प्रकाशित मिति: मंगलबार, असार ३, २०७६ १६:१९

प्रतिक्रिया दिनुहोस्