युवा उद्यामी मञ्चको वर्कसप सम्पन्न

मुख्य समाचार

गृहपृष्ठ
मुख्य समाचार

युवा उद्यामी मञ्चको वर्कसप सम्पन्न

क्यापिटल नेपालआइतबार, साउन १२, २०७६

काठमाडाैं । युवा उद्यमी मञ्चले गत २१ जुलाईदेखि २८ सम्म वर्कसप सम्पन्न गरेको छ । मञ्चले मार्चमा ‘युवा उद्यमी सम्मेलन– महिला’ सम्पन्न गरेसँगै त्यसैको निरन्तरतास्वरुप वर्कसप गरेको अध्यक्ष निकोलस पाण्डेले बताए ।

७ दिनसम्म चलेको वर्कसपमा ७० जनाको सहभागिता रहेको छ । गत मार्चमा सम्पन्न भएको सम्मेलन पछि सहभागिले शिक्षा, इन्क्युबेसन, लगानी, नयाँ भेन्चर क्रिएसन, एसईओ बेसिक र डिजिटल मार्केटिङलाई प्रतिनिधित्व गर्ने र वैधानिक उपायका विषयमा थप जान्ने इच्छा देखाएपछि वर्कसप गरेको युवा उद्यमी मञ्चका उपाध्यक्ष (महिला) उपाशना श्रेष्ठले बताइन् ।

सम्मेलनमा उद्यमशीलता गर्न चाहानेलाई यो क्षेत्रमा भएको सम्भावना, कानुनी उपाय, मार्केटिङलगायतका विषयमा जानकारी गराइएको उनको भनाइ छ । उद्यमशीलता गर्न चाहने व्यक्ति र त्यही क्षेत्रको विज्ञलाई एक आपसमा जम्काभेट गराइएको अध्यक्ष पाण्डेले बताए ।