लुम्बिनी र श्रीराम चिनी उद्योगले किसानको भुक्तानी दिन निकाले सूचना

उद्योग

गृहपृष्ठ
उद्योग

लुम्बिनी र श्रीराम चिनी उद्योगले किसानको भुक्तानी दिन निकाले सूचना

क्यापिटल नेपालशुक्रबार, पुस ३, २०७७

काठमाडौं । लुम्बिनी चिनी उद्योगले उखु किसानको भुक्तानी प्रकृया सुरु गरेको जनाएको छ । उद्योगले सूचना जारी गर्दै उखु किसानलाई भुक्तानी दिनु्पर्ने बाँकी बक्यौता रकम पुस २ गतेदेखि क्रमशः दिँदै जाने उद्योगले जनाएको छ ।

भुक्तानी रकमको व्यवस्था सो मिति अगावै भएमा पनि भुक्तानी दिने सूचनामा जनाइएको छ । उद्योगका सञ्चालक मनिषकुमार अग्रवाल गत माघ १० गते निधन भएपछि उद्योगको सञ्चालनको जिम्मेवारी उनकै श्रीमती सुशीला गोयललाई आएको थियाे ।

No description available.

उनले जिम्मेवारी लिएपछि चिनीको बिक्री वितरण कम हुन थालेपिछ र लागत मूल्य नै उठ्न नसकेपछि उखु किसानको भुक्तानीमा ढिलाइ भएको सूचनामा जनाइएको छ ।

लुम्बिनी चिनी उद्योगले ८ करोड रुपैयाँ भुक्तानी तिर्न बाँकी छ ।

यता, श्रीराम सुगर मिलले पनि उखु किसानबाट खरिद गरेको उखुको बाँकी भुक्तानी शुक्रबारबाट दिने बताएको छ । उद्योगले पनि सूचनामार्फत कानुनी व्यवधानका कारण दिन समयमै भुक्तानी दिन नसकेको प्रतिक्षमायाचना गरेको छ।

बक्यौक्ता भुक्तानी सम्बन्धमा सरोकारवाला निकायहरुबीच छलफल गरी समस्या समाधानका उपायहरु अवलम्बन गर्नेतर्फ उद्योग व्यवस्थापन पक्ष तयार भए पनि कानुनी व्यवधानलाई कारण देखाउँदै भुक्तानीमा ढिलाइ भएको उद्योगले जनाएको छ।

रौतहटको गरुणामा रहेको श्रीराम सुगर मिलले किसानलाई ३६ करोड रुपैयाँ भुक्तानी दिन बाँकी छ ।