जनकपुर जानुपर्ने बुद्धको जहाज पाेखरा पुगेेपछि....

पर्यटन

गृहपृष्ठ
पर्यटन

जनकपुर जानुपर्ने बुद्धको जहाज पाेखरा पुगेेपछि....

क्यापिटल नेपाल शुक्रबार, पुस ३, २०७७

काठमाडौं । कल्पना गर्नुस् त तपाईं जनकपुरमा जानुपर्ने थियो तर, पोखरा पुग्नु भयो भने त्यो बेला कस्तो महसुस हुन्छ होला ? शुक्रबार बुद्ध एयरले यात्रुहरुलाई त्यस्तै अनुभव गर्ने अवसर दिएको छ,अर्थात जनकपुर जानुपर्ने यात्रुहरूलाई पोखरामा अवतरण गरिएको छ ।

जनकपुरका लागि टिकट काटेका यात्रुहरू एक्कासी पोखरामा अवतरण भएपछि अच्चममा परेका थिए । त्यहा अवतरण गरेपछि यात्रुहरू मात्र हैन,चालक दलका सदस्यसमेत अच्चममा परेका थिए ।

पोखराका यात्रुहरू लिएर आएको सम्झेर जहाज उडाए पनि जनकपुरका यात्रुहरू परेको भन्दै माफी मागेका थिए । एटिआर जहाज मार्फत उडान गरेको सो जहाज भरिभराउ थियोे ।

पोखरा बिमानस्थलका प्रवक्ता देवराज सुवेदीका अनुसार जहाज बेलुकी ४ बजेतिर अवतरण गरेको हो । ग्राउन्ड ह्याण्डलिङका कर्मचारीले जनकपुरमा जानुपर्ने जहाजमा यात्रुलाई चढाउनु पर्नेमा पोखराको जहाजमा चढाएको पाईएको उनले बताए ।

केही समय पोखरा बिमानस्थलमा अवतरण गरेर फेरि त्यहींबाट जनकपुर गएको थियो । यस बिषयमा बुद्धले केही जानकारी भने गराएको छैन ।

प्रकाशित मिति: शुक्रबार, पुस ३, २०७७ २१:५२

प्रतिक्रिया दिनुहोस्