मन्त्रालयबाट बिदा हुँदै गर्दा पर्यटनमन्त्री भट्टराईले भने, 'काेराेनाले गर्दा अपेक्षित काम गर्न सकिन'

मुख्य समाचार

गृहपृष्ठ
मुख्य समाचार

मन्त्रालयबाट बिदा हुँदै गर्दा पर्यटनमन्त्री भट्टराईले भने, 'काेराेनाले गर्दा अपेक्षित काम गर्न सकिन'

क्यापिटल नेपाल सोमबार, पुस ६, २०७७

काठमाडौं । संस्कृति, पर्यटन तथा नागरिक उड्डयनमन्त्री याेगेश भट्टराई बिदाइ भएका छन् । उनलाई साेमबार मन्त्रालयमा आयाेजित एक कार्यक्रमकाबीच बिदाइ गरिएको हाे ।

मन्त्री भट्टराईले पछिल्लो राजनीतिक घटनाक्रमलाई लिएर आइतबार राजिनामा दिएका थिए । बिदाइ कार्यक्रममा मन्तव्य राख्दै मन्त्री भट्टराईले १७ महिनाको अवधिमा १० महिना काेराेना भाइरसकाे कारण काम गर्न नसकेको बताए ।

जति उपलब्धि हुनुपर्ने थियो ,त्याे हुन सकेन मन्त्री भट्टराई ले भने । काेराेनाकै कारण गाैतम बुद्ध विमानस्थल र पाेखरा क्षेत्रीय विमानस्थलकाे उद्घाटन गर्न नसकेको बताए ।

आफू मन्त्री भएर आएपछि नै नेपाल नागरिक उड्डयन प्राधिकरण काे एेन संसदमा पेश गरिएको र हवाई नीति बनाएर मन्त्रिपरिषदमा पठाउन तयार गरिएको बताए । यस्तै २०३३ मा बनेको पर्यटन एेन लाइ संशोधन गरी मन्त्री परिषदमा पठाउन तयारी गरिसके बताए ।

प्रकाशित मिति: सोमबार, पुस ६, २०७७ १३:०२

प्रतिक्रिया दिनुहोस्