प्रभु लाइफ इन्स्योरेन्सको आईपीओ यो साताभित्र बाँडफाँड गर्ने तयारी

मुख्य समाचार

गृहपृष्ठ
मुख्य समाचार

प्रभु लाइफ इन्स्योरेन्सको आईपीओ यो साताभित्र बाँडफाँड गर्ने तयारी

क्यापिटल नेपालमंगलबार, पुस ७, २०७७

काठमाडौं । प्रभु लाइफ इन्स्योरेन्स लिमिटेडको प्राथमिक सेयर (आइपीओ) यो साता बाँडफाँट गर्ने भएको छ । शुक्रबारसम्म आइपीओ बाँडफाँट गर्ने तयारी गरिएको निष्कासन तथा बिक्री प्रवन्धक सिद्धार्थ क्यापिटल लिमिटेडले जनाएको छ । धितोपत्र बोर्डमा प्रतिवेदन नपठाएकाले बाँडफाँट गर्ने अन्तिम निर्णय भने भइनसकेको सिद्धार्थले जनाएको छ ।

यता, प्रभुको आइपीओमा माग भन्दा बढी आवेदन परेकाले गोलाप्रथाबाट सेयर बाँडफाँट हुनेछ । यसमा कुल २ अर्ब ९२ करोड ८७ लाख ४३ हजार रुपैयाँ बराबरको आवेदन परेको छ ।

१० लाख ८२ हजार १४३ जनाले २ करोड ९२ लाख ८७ हजार ४३० कित्ताका लागि आवेदन दिएका हुन् । यो मागको तुलनामा ५.४२ गुणा बढी हो । सर्वसाधारणलाई बिक्री गरिएको ५४ लाख कित्तालाई आधार मान्दा ५ लाख ४० हजार जना आवेदकले १० कित्ताका दरले सेयर हात पार्ने देखिएको छ । ५ लाख ४२ हजार १४३ जना भने आइपीओ पाउनबाट बञ्चित हुनेछन् ।

प्रभु लाइफले मंसिर २९ गतेबाट पुस २ गतेसम्म ६० करोड रुपैयाँ बराबरको कुल ६० लाख कित्ता आइपीओ निष्कासन गरेको थियो । आइपीओ बाँडफाँडपछि चुक्तापुँजी २ अर्ब रुपैयाँ पुग्नेछ ।

प्रकाशित मिति: मंगलबार, पुस ७, २०७७ १८:५२

प्रतिक्रिया दिनुहोस्