रुरु जलविद्युत परियोजनाले प्रिमियम मूल्यमा आईपीओ निष्कासन गर्ने

मुख्य समाचार

गृहपृष्ठ
मुख्य समाचार

रुरु जलविद्युत परियोजनाले प्रिमियम मूल्यमा आईपीओ निष्कासन गर्ने

क्यापिटल नेपाल शुक्रबार, माघ २३, २०७७

काठमाडौं । रुरु जलविद्युत परियोजना लिमिटेडले प्राथमिक सेयर (आईपीओ) निष्कासन गर्ने भएको छ । नेपाल धितोपत्र बोर्डले रुरुलाई प्रिमियम मूल्यमा ८ करोड ९६ लाख ९५ हजार २२० करोड रुपैयाँ बराबरको ८ लाख ९६ हजार ९५२ कित्ता आईपीओ निष्कासन गर्न अनुमति दिएको छ ।

इक्रा नेपाल लिमिटेडले रुरुलाई ग्रेड ३ रेटिङ दिएको छ । ग्रेड ३ रेटिङले कम्पनीको अवस्था औषतमा राम्रो भएको देखाउँछ ।

कम्पनीले सर्वसाधारणलाई जारी पुँजीको १० प्रतिशत अर्थात ४ लाख ७ हजार ७०६ कित्ता प्रिमियम मूल्यमा आईपीओ निष्कासन गर्ने छ । जसको मूल्य प्रतिकित्ता १२० रुपैयाँ छ । प्रतिकित्ता २० रुपैयाँ प्रिमियम थपेर कम्पनीले आईपीओ निष्कासन गर्न लागेको हो ।

आयोजना प्रभावित स्थानीयबासिन्दाका लागि जारी पुँजीकै १० प्रतिशत अर्थात ४ लाख ७ हजार ७०६ कित्ता सेयर १०० रुपैयाँमा निष्कासन गर्नेछ । कम्पनीको सेयर निष्कासन तथा बिक्री प्रबन्धकमा एनएमबी क्यापिटल लिमिटेड रहेको छ।