जेम्स एण्ड ज्वेलरी काउन्सिलको पुनर्गठन

कर्पोरेट बजार

गृहपृष्ठ
कर्पोरेट बजार

जेम्स एण्ड ज्वेलरी काउन्सिलको पुनर्गठन

क्यापिटल नेपालआइतबार, फागुन २, २०७७

काठमाडौं । सुनचाँदी ब्यवसायको प्रवद्र्धन गर्ने उद्धेश्यले लिएर स्थापना भएको जेम्स एण्ड ज्वेलरी काउन्सिलको पुनर्गठन भएको छ । झण्डै चार बर्ष निष्क्रिय रहेको काउन्सिललाई हालै सक्रिय गराइएको हो ।

नेपाल सुनचाँदी ब्यवसायी महासंघ, नेपाल सुनचाँदी रत्न तथा आभुषण महासंघ र नेपाल हस्तकला महासंघद्धारा संयुक्तरुपमा काउन्सिलको गठन गरिएको हो । काउन्सिलमा यी तीनैवटा संस्था सदस्य छन् ।

नेपाल सुनचाँदी ब्यवसायी महासंघका अध्यक्ष माणिक रत्न शाक्यका अनुसार काउन्सिलले तीनैवटा संस्थाको छाता संस्थाका रुपमा कार्य गर्ने छ । यसको नेतृत्व चक्रिय प्रणाली अनुरुप हुने सहमति तीन महासंघवीच भएको छ ।

तत्कालका लागि रत्न तथा आभुषण महासंघका अध्यक्ष रमेश महर्जन यसको संयोजक तोकिएका छन । एक बर्ष पश्चात नेतृत्व नेपाल सुनचाँदी ब्यवसायी महासंघका अध्यक्ष माणिक रत्न शाक्यले सम्हालेका छन । त्यसपछि हस्तकला महासंघका अध्यक्ष सुरेन्द्र भाई शाक्यले सम्हाल्ने सहमति भएको छ ।

संस्थाको सक्रियता सँगै सुन तथा चाँदीको गरगहना र तीनको कारोबार, आपूर्ति एवं निर्यात प्रवद्र्धनका क्षेत्रमा काम हुनेछ ।

प्रकाशित मिति: आइतबार, फागुन २, २०७७ १७:४८

प्रतिक्रिया दिनुहोस्