सिद्धार्थ बैङ्कको नाफा २१ प्रतिशत बढ्यो, गत वर्ष २३० करोड

मुख्य समाचार

गृहपृष्ठ
मुख्य समाचार

सिद्धार्थ बैङ्कको नाफा २१ प्रतिशत बढ्यो, गत वर्ष २३० करोड

क्यापिटल नेपाल आइतबार, साउन १९, २०७६

काठमाडौं । सिद्धार्थ बैङ्कले गत आर्थिक वर्षमा खुदनाफा २१.२५ प्रतिशत बढाएको छ । गत आर्थिक वर्षमा सिद्धार्थले २ अर्ब ३० करोड ८८ लाख रुपैयाँ खुदनाफा गरेको छ । अघिल्लो वर्षको सोही अवधिमा सिद्धार्थको नाफा १ अर्ब ९० करोड ४० लाख रुपैयाँ थियो ।

सिद्धार्थले आइतबार सार्वजनिक गरेको गत आर्थिक वर्षको वित्तीय विवरणमा खुदनाफा ४० करोड ४७ लाख रुपैयाँ बढाएको उल्लेख छ । सो नाफबाट सेयरधनीलाई १ अर्ब ६५ करोड २० लाख रुपैयाँ लाभांश वितरण गर्न सिद्धार्थले जानकारी दिएको छ ।

सिद्धार्थले ब्याज आम्दानी बढाएपछि नाफामा वृद्धि भएको हो । गत वर्ष बैङ्कले ४ अर्ब ६७ करोड रुपैयाँ खुदब्याज आम्दानी गरेको छ । अघिल्लो वर्षको सोही अवधिमा ३ अर्ब ४३ करोड रुपैयाँ गरेको थियो ।

सिद्धार्थको निष्क्रिय कर्जा अनुपात घटेर ०.७५ प्रतिशतमा झरेको छ । अघिल्लो वर्ष यस्तो कर्जा १.०९ प्रतिशत थियो । निक्षेप लागत ७.५४, सीसीडी रेसियो ७६.८५, आधारदर १०.५७, ब्याजदर अन्तर ४.०७ प्रतिशत छ ।

औसत प्रतिफल १६ प्रतिशत छ । प्रतिसेयर आम्दानी २६ रुपैयाँ ५९ पैसा छ । सिद्धार्थको सञ्चित कोषको आकार बढेर ४ अर्ब ४१ करोड रुपैयाँ पुगेको छ ।

प्रकाशित मिति: आइतबार, साउन १९, २०७६ ०८:२८

प्रतिक्रिया दिनुहोस्