बिक्री र सेवा सुधारतर्फ अम्बे स्टील्स, ग्राहककाे विश्वास जित्ने दाबी

कर्पोरेट बजार

गृहपृष्ठ
कर्पोरेट बजार

बिक्री र सेवा सुधारतर्फ अम्बे स्टील्स, ग्राहककाे विश्वास जित्ने दाबी

क्यापिटल नेपालआइतबार, फागुन १६, २०७७

काठमाडौं । देशकै सबैभन्दा ठूलो छड उत्पादक कम्पनी अम्बे स्टील्सले आफ्ना ग्राहकलाई प्रदान गर्दै आएको बिक्री र सेवालाई थप सुधार गर्दै लैजाने जनाएको छ । शुक्रबार नुवाकोटमा डिलरहरुसँग सम्मेलन गर्दै ग्राहकको सेवा केन्द्रित हुन सुधार गर्दै लैजाने जनाएको हो ।

उक्त कार्यक्रममा अम्बे स्टील्सका ब्राण्ड एम्बेसेडर हरिवंश आचार्य र मदन कृष्ण श्रेष्ठलगायत नुवाकोट जिल्लाका वरिष्ट उच्च पदस्थ व्यक्तित्वहरुको पनि सहभागिता रहेको थियो ।

अम्बे स्टील्स्ले आफ्नो भैरहवा र नेपालगञ्जमा अवस्थित दुईवटा फ्याक्ट्रिबाट नेपालकै सबैभन्दा बढी दैनिक १४०० टन छड उत्पादन गरी नेपाली बजारमा पुर्याउन आएको छ । यस कम्पनीबाट उत्पादित टिएमटी छड अन्तर्राष्ट्रिय गुणस्तरको उच्च लचकता भएको हुनाले नेपाली बजारमा सबैभन्दा बढी रुचाइएको छड हो । हाल यसले एफई५०० डी छड पनि उत्पादन गरी उपभोक्ता माझ पुर्याउन आएको छ ।

कार्यक्रममा कम्पनीलाई नयाँ उचाइमा पुर्याउन डिलरहरुको मिहेनत र योगदानलाई सम्मान गर्दै कम्पनीका आगामी रणनीति र भाबी योजनाबारे छलफल गरिएको थियो ।

सम्मेलनमा उपस्थितलाई सम्बोध गर्दै अम्बे स्टील्स्का प्रतिनिधिले ग्राहकसेवामा केन्द्रीत भएर बिक्री र सेवा सुधार गर्ने बताएका थिए ।

उनीहरुले भने, ‘यहाँहरुका मिहेनत र ग्राहकसेवाले गर्दा कम्पनीले नयाँ उचाइ मापन गरेको छ । यसको लागि देशभरका डिलरहरुप्रति आभार प्रकट गदछौं । हामीहरुले यो उचाई कायम राख्न अझै बढि ग्राहकसेवामा केन्द्रित रहेर बिक्री सेवामा सुधार गर्दै जानुपर्छ । साथै, ग्राहकहरुको विश्वास जित्दै कम्पनीको लक्ष्य हासिल गर्न हामी निरन्तर लागि पर्नुपर्छ ।’

प्रकाशित मिति: आइतबार, फागुन १६, २०७७ १७:५७

प्रतिक्रिया दिनुहोस्