अब सुनको कारोबार डिजिटल माध्यमबाट, महासंघ र बंगलादेश बैंकबीच सम्झौता

मुख्य समाचार

गृहपृष्ठ
मुख्य समाचार

अब सुनको कारोबार डिजिटल माध्यमबाट, महासंघ र बंगलादेश बैंकबीच सम्झौता

क्यापिटल नेपाल मंगलबार, चैत १०, २०७७

काठमाडौं । पछिल्लो समय विभिन्न क्षेत्रमा डिजिटल कारेबार सुरु भइरहँदा अब सुनचाँदीको कारोबार पनि डिजिटल माध्यमबाट गर्न सकिने भएको छ ।

मंगलबार नेपाल सुनचाँदी व्यवसायी महासंघ र नेपाल बंगलादेश बैंकबीच बैंकिङ साझेदारीसम्बन्धी सम्झौता भएसँगै सुनचाँदीको कारोबार क्युआर कोडमार्फत गर्न सकिने भएको हो ।

महासंघका अध्यक्ष माणिक रत्न शाक्य र नेपाल बंगलादेश बैंकका डेपुटी जनरल म्यानेजर सलोनिका सिंहबीच बैंकिङ कारोबार गर्ने गरी सम्झौतापत्रमा हस्ताक्षर गरेका छन् । सम्झौताअनुसार अबदेखि महासंघमा आबद्ध व्यवसायी तथा एशोसिएट्स सदस्यले नेपाल बंगलादेश बैंकको क्युआर कोड प्रयोग गरी कारोबार गर्न पाउने छन् ।

महासंघका अध्यक्ष शाक्यले महासंघका आबद्ध व्यवसायीहरुले नेपाल बंगलादेश बैंकमार्फत उपलब्ध हुने विभिन्न किसिमका बैंकिङ सेवाहरु सरल र सहुलियतपूर्ण रुपमा प्रयोगगर्न पाउने बताए ।

बैंकले महिला, दलित, विपन्न, अल्पसंख्यक लगायतका वर्गका लागि पनि सहुलियतपूर्ण कर्जा उपलब्ध गराउनेछ । नेपाल सुनचाँदी व्यवसायी महासंघ मुलुकभरका सुनचाँदी व्यवसायीहरुको छाता संस्था हो । महासंघअन्तर्गत देशभरका ६५ भन्दा बढी जिल्ला, नगर तथा एसाेसिएट्स सदस्य छन् ।

प्रकाशित मिति: मंगलबार, चैत १०, २०७७ १३:५८

प्रतिक्रिया दिनुहोस्