डिपार्टमेन्टल स्टोर र किराना पसल बन्द, अब खाद्य र साल्ट ट्रेडिङले होम डेलिभरी गर्ने

मुख्य समाचार

गृहपृष्ठ
मुख्य समाचार

डिपार्टमेन्टल स्टोर र किराना पसल बन्द, अब खाद्य र साल्ट ट्रेडिङले होम डेलिभरी गर्ने

क्यापिटल नेपाल बिहीबार, जेठ १३, २०७८

काठमाडौं । उपत्यका प्रशासनले कसैलाई खाद्य सामग्री अभाव भए खरिदका लागि वैकल्पिक व्यवस्था गरेको छ ।

किराना पसल र डिपार्टमेन्टल स्टोर बन्द गर्ने निर्णयबाट नागरिकमा खाद्य सामग्री नै पाइँदैन भन्ने भ्रम पर्न गएको भन्दै नेपाल खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसन लिमिटेडबाट अत्यावश्यक सामग्री मगाउन सक्ने गरी व्यवस्था गरेको हो ।

सो प्रशासनले त्यसका लागि कम्पनीको फोन नम्बर पनि सार्वजनिक गरेको छ । नागरिकले खाद्य सामग्री मगाए मोबाइल गाडीबाट घरमै लैजाने व्यवस्था मिलाइएको भनिएको छ ।

काठमाडौंका सहयाक प्रमुख जिल्ला अधिकारी उमाकान्त अधिकारीले भने, ‘खाद्य संस्थान, साल्ट ट्रेडिङ, उपभोक्ता हित संरक्षण मञ्च र व्यवसायीसमेतको बैठकबाट यो निर्णय गरिएको हो ।’

उनका अनुसार दुई कम्पनीमा चामल, दाल, नेल, नुनलगायत सामग्रीको पर्याप्त मौज्दात छ । कोही नागरिक आपतमा परे स्थानीय तहमार्फत वितरणका लागि अनुरोध गर्ने पनि निर्णय भएको छ ।