नबिलले एउटा वाणिज्य बैंक लिने तयारी अन्तिमतिर पुगेको छ-अध्यक्ष पौडेल

मुख्य समाचार

गृहपृष्ठ
मुख्य समाचार

नबिलले एउटा वाणिज्य बैंक लिने तयारी अन्तिमतिर पुगेको छ-अध्यक्ष पौडेल

क्यापिटल नेपाल मंगलबार, असार २२, २०७८

काठमाडौं । नबिल बैंक एक आपसमा गाभिने (मर्ज) मा जाने तयारीमा छ । मर्जको प्रक्रिया अघि बढाउन अहिले विभिन्न बैंकहरुसँग छलफल गरिरहेको छ ।

नेपाल क्रेडिट एन्ड कमर्स (एनसीसी) र प्रभुलगायत अन्य बैंकहरुसँग मर्जमा जान छलफल गरिरहेको छ । यी बैंकहरुसँग छलफल भए पनि सहमतिमा नपुगेको नबिलका अध्यक्ष उपेन्द्र पौडेल बताउँछन् । एउटा बैंकसंग मर्जर हुने बढी संभावना रहेको उनले बताए । तर, बैंकको नाम भने उनले खुलाउन चाहेनन् ।

‘मर्जरका लागि बैंकहरु खोजिरहेका छौं । राम्रोसँग सञ्चालन भएको बैंक भएपछि मर्जमा जान पनि अप्ठरो पर्दो रहेछ’ उनले भने ‘आज मर्ज गरेर भोलि गुमाउनु पर्ने र ‘कम्प्रोमाइज’ गर्नुपर्ने अवस्था आयो भने समस्या पर्ने हुन्छ । हामीले त्यो कुरालाई पनि हेरेका छौं ।’

नबिलले लगानीकर्तालाई ३० प्रतिशतभन्दा बढी नै प्रतिफल दिइरहेको अवस्थामा अन्य संस्थासँग मर्जमा जान नबिललाई सहज नभएको अध्यक्ष पौडेको तर्क छ । ‘नबिल देशको १ नम्बर बैंक हो ।

काम गरेर देखाएको छ । ३० प्रतिशतभन्दा बढी लाभांश दिएको छ,’ उनले भने, ‘व्यवस्थापन सक्षम छ, बोर्ड ‘प्रोफेसनल’ छ । यो टिमले राम्रो ‘डेलिभरी’ गर्छ । मर्जरमा जाने प्रक्रियामा रहेका छौं ।’

उनले मर्जमा नगए पनि आफ्नो प्रयासबाट बैंक माथि जाने बताए । ‘मर्जरमा नजाँदा १ २ वर्ष केही तल जाला तर फेरी माथि नै पुग्छ’ उनले भने । पौडेलले एनसीसी प्रभुलगायत धेरै बैंकसँग छलफल भएको तर क्रंकिट रुपमा डाइलग अघि नबढेको उनले स्पष्टपारे ।

प्रकाशित मिति: मंगलबार, असार २२, २०७८ १४:१९

प्रतिक्रिया दिनुहोस्