बिजुलीको महशुल बढाउन विद्युत प्राधिकरणको तयारी, नियमन आयोगमा नयाँ दर प्रस्ताव गर्ने

मुख्य समाचार

गृहपृष्ठ
मुख्य समाचार

बिजुलीको महशुल बढाउन विद्युत प्राधिकरणको तयारी, नियमन आयोगमा नयाँ दर प्रस्ताव गर्ने

क्यापिटल नेपालआइतबार, भदौ १, २०७६

काठमाडौं । नेपाल विद्युत प्राधिकरणले बिजुलीको महशुल दर बढाउन प्रस्ताव गर्ने भएको छ । विद्युत नियमन आयोगले काम सुरु गरिसकेकाले प्राधिकारणले नयाँ महशुल दर प्रस्ताव गर्न लागेको हो ।

प्राधिकरणका कार्यकारी निर्देशक कुलमान घिसिङले खरिददर, प्राधिकरणको खर्च तथा सेवा लागत र सोमा उचित प्रतिफलसमेतका आधारमा बिजुलीको नयाँ महशुल दर निर्धारणका लागि आयोगमा प्रस्ताव पेश गर्ने जानकारी दिए ।

हाल बिजुलीको खरिद र बिक्रीदर अन्तर १ रुपैयाँ ४२ पैसा रहेको प्राधिकरणले जानकारी दिएको छ । प्राधिकरणले औसत ७ रुपैयाँ ४३ पैसामा किनेर १० रुपैयाँ ४७ पैसामा बिक्री गर्दे आएको छ ।

१५ प्रतिशत चुहावट घटाउँदा प्राधिकरणलाई १ युनिट बिजुलीमा १ रुपैयाँ ४२ पैसा नाफा छ । ३ वर्षअघि प्राधिकरणको शिफाशिरमा तत्कालिन विद्युत महशुल निर्धारण आयोगले बिजुलीको महशुल औसत १८ प्रतिशतसम्म बढाएको थियो ।

बिजुलीको महशुल बढाउन प्राधिकरणले आयोगमा प्रस्ताव गर्नुपर्छ । उसको प्रस्तावको विस्तृत अध्ययन गरेर आवश्यकताअनुसार आयोगले महशुल वृद्धिको निर्णय गर्न सक्छ ।

निजी जलविद्युत प्रवद्र्धहरुले विद्युत खरिददर कम भएको भन्दै पीपीए दरमा पुनरावलोकन गर्न विद्युत प्राधिकरणसंग अनुरोध गर्दै आएका छन ।

प्रकाशित मिति: आइतबार, भदौ १, २०७६ १६:०६

प्रतिक्रिया दिनुहोस्