५० हजार हेक्टरमा लगाएको धानबालीमा क्षति, प्रदेश सरकारले प्रतिपरिवार ३ लाख दिने

मुख्य समाचार

गृहपृष्ठ
मुख्य समाचार

५० हजार हेक्टरमा लगाएको धानबालीमा क्षति, प्रदेश सरकारले प्रतिपरिवार ३ लाख दिने

क्यापिटल नेपालबिहीबार, कात्तिक ४, २०७८

विराटनगर । प्रदेश १ सरकारले बेमौसमी पानीका कारण बाढी पहिरोबाट पूर्ण रुपमा क्षति भएका प्रति परिवार ३ लाख दिने भएको छ । त्यसैगरी बाढी पहिरोमा पनि ज्यान गुमाएकालाई परिवारलाई प्रति परिवार १ लाख दिने निर्णय गरेको छ । मुख्यमन्त्री भीम आचार्यको अध्यतामा बुधबार बसेको प्रदेश दैवीप्रकोप उद्धार समितिको बैठकले सो निर्णय गरेको हो ।

मुख्यमन्त्री आचार्यले विराटनगरको हवाई सेवा सुचारू गर्न, दुहवीमा बिजुलीको स्टेशनमा भएको समस्या तत्काल समाधान गर्न, बाढी पहिरोमा फसेकालाई उद्धार, सहयोग गर्न तथा प्रदेश भरी भएको क्षतिको विवरण संकलन गर्न माताहतका विभागहरूलाई निर्देशन दिएका छन् ।

स्थानीय तहहरूसँग समन्वय गरि भएका सबै अवरोधहरू हटाउन सरकारका सबै संयन्त्र परिचालित हुन समेत निर्देशन दिएका छन् ।
पाकेको धानबालीमा भएको क्षतिको विवरण संकलन गरि कृषकका लागि राहत प्याकेज ल्याउन भूमी व्यवस्था, कृषि तथा सहकारी मन्त्रालयलाई समेत निर्देशन दिएका छन् ।

बैठकमा विभिन्न विभागका प्रमुखहरूले बाढी पहिरोको क्षतिबारे रिपोटिङ गरेका थिए । प्रदेश १ मा ३८ जनाको ज्यान गएको छ । ४९ हजार ९४४ हेक्टर जमिनमा लगाएको धान बालीमा क्षति पुगेको छ ।

प्रकाशित मिति: बिहीबार, कात्तिक ४, २०७८ १८:०६

प्रतिक्रिया दिनुहोस्