निलम्बित सीईओ प्रकरणः ‘अफिसियल’ काम नगर्न प्राधिकरणको पत्राचार

बैंकिङ

गृहपृष्ठ
बैंकिङ

निलम्बित सीईओ प्रकरणः ‘अफिसियल’ काम नगर्न प्राधिकरणको पत्राचार

क्यापिटल नेपाल मंगलबार, असार २, २०८३

काठमाडौं। नेपाल बिमा प्राधिकरणले सम्पत्ति शुद्धीकरण निवारण ऐन र बिमा ऐनअन्तर्गतको कसुरमा परेर निलम्बित प्रमुख कार्यकारी अधिकृत (सीईओ)हरूलाई काम नगर्न निर्देशन दिएको छ।

प्राधिकरणले सरकारी वकिलको कार्यालयले काठमाडौं जिल्ला अदालत, पाटन उच्च अदालत र विशेष अदालतमा दुई पुनर्बिमक, ५ लघु बीमक र एउटा जीवन बीमकका सीईओका साथै सञ्चालक समितिका पदाधिकारी र अन्य उच्च तहका कर्मचारीविरुद्ध अभियोगपत्र दायर भइसकेको अवस्थामा कार्यालयमा काम गर्न नगर्न निर्देशन दिएको हो।

तीमध्ये सम्पत्ति शुद्धीकरण निवारण ऐन र बीमा ऐनअन्तर्गतको कसुरमा अभियुक्त ठहर्याइएका सीईओलाई कार्यालयको काम नगर्न पत्रै काटेर निर्देशन दिइएको प्राधिकरणका उपनिर्देशक विरोध भट्टले बताए। उनका अनुसार बिमा सञ्चालक र अन्य कर्मचारीलाई पनि यस्तै निर्देशनात्मक पत्र पठाउने तयारी छ।

नेपाल धितोपत्र बोर्डले पत्र पठाएपछि बीमकलाई पत्र काटिने बताइएको छ।

अदालतमा अभियोगपत्र दायर भएसँगै स्वतः निलम्बनमा पर्ने कानुनी प्रावधान हुँदाहुँदै पनि केही बीमकका सीईओ, सञ्चालक र कर्मचारीले कार्यालयमा नियमित हाजिर भएर काम गर्दै थिए।

बिमा ऐनको दफा १४२ मा दफा १४० अन्तर्गतको कसुर गरेकाविरुद्ध अभियोग लागेको अवस्थामा स्वतः पदबाट निलम्बन हुने प्रावधान छ।

प्रकाशित मिति: मंगलबार, असार २, २०८३ १६:१३

प्रतिक्रिया दिनुहोस्