बेमाैसमी वर्षाका कारण मालाको मूल्य बढ्यो, एउटा मालाको ५० रुपैयाँ

मुख्य समाचार

गृहपृष्ठ
मुख्य समाचार

बेमाैसमी वर्षाका कारण मालाको मूल्य बढ्यो, एउटा मालाको ५० रुपैयाँ

क्यापिटल नेपाल बुधबार, कात्तिक १७, २०७८

विराटनगर । विराटनगरमा यस वर्ष सयपत्री फूलको अभाव देखिएको छ । तिहारमा विशेष गरी सयपत्री फूलको बढी प्रयोग गरिन्छ । अघिल्ला वर्षहरूको तुलनामा यस वर्ष बजारमा फूल नपाइएको उपभोक्ताहरू बताउँछन् । सयपत्री फूल लक्ष्मीपूजा गर्न र दाजुभाइलाई लगाइदिने चलन छ ।
बजारमा अहिले प्रतिगोटा ५० रुपैयाँदेखि ६० रुपैयाँसम्म माला किनबेच भइरहेको छ । यो पटक कात्तिक पहिलो साता आएको बेमौसमी पानीका कारण फूल खेती डुवानमा परेका कारण फूलको अभाव भएको हो ।

गत वर्षहरूमा प्रतिगोटा २० देखि ३० रुपैयाँसम्मा सयपत्री फूलको माला पाइन्थ्यो । फूलको अभाव भएपछि बाहिरबाट फूल आयात हुने गरेको छ ।
विराटनगर बजारमा कोलकाताबाट फूल आयात हुने गरेको छ । स्थानीयस्तरमा फूल खेती नभएकाले भारतबाट फूल आयात गर्ने गरेको व्यापारीहरू बताउँछन् ।

कृतिम मालामा उपभोक्ताको आकर्षण फूलको अभाव भएपछि विराटनगर बजारमा अहिले फूलका मालाको सट्टा कृतिम फूलहरूबाट बनेका मालाहरूको खरिदबिक्री गर्ने क्रम बढ्न थालेको छ । प्राकृतिक फूलभन्दा बजारमा रहेका कृतिम फूलका मालाहरू सस्तो पाइने भएकाले पनि प्रयोग बढेको व्यवसायीहरूको भनाइ छ ।

अहिले विराटनगर बजारमा ३० रुपैयाँदेखि २ सय रुपैयाँसम्मका कृत्रिम फूलका मालाहरू बिक्रीका लागि राखिएको स्थानीय व्यापारी महेश साहले जानकारी दिए । देख्दा पनि झपक्क देखिने र टीका र माला लगाई सकेपछि ती मालाको अनिवार्यता नहुनाले पनि कृत्रिम मालाको माग बढेको साहको भनाइ छ ।

प्रकाशित मिति: बुधबार, कात्तिक १७, २०७८ १४:२०

प्रतिक्रिया दिनुहोस्