३८ प्रतिशत लाभांश पारित गर्न नबिल बैंकले डाक्यो साधारणसभा, मर्जमा जान विशेष प्रस्ताव

मुख्य समाचार

गृहपृष्ठ
मुख्य समाचार

३८ प्रतिशत लाभांश पारित गर्न नबिल बैंकले डाक्यो साधारणसभा, मर्जमा जान विशेष प्रस्ताव

क्यापिटल नेपाल शुक्रबार, पुस ९, २०७८

काठमाडौं । नबिल बैंकको साधारणसभा पुस ३० गते हुने भएको छ । बैंकको पुस ८ गते बसेको सञ्चालक समितिको बैठकले यही ३० गते बैंकको केन्द्रीय कार्यालय तिनधारा, काठमाडौंमा बिहान ९ः३० बजे थाल्ने निर्णय गरेको हो ।

सभाले गत आर्थिक वर्षको नाफाबाट सेयरधनीहरूलाई ३३.६० प्रतिशत बोनस सेयर र कर प्रयोजनका लागि ४.४० प्रतिशत नगद गरि ३८ प्रतिशत लाभांश वितरण गर्ने प्रस्ताव पारित गर्ने बैंकले जनाएको छ ।

बैंकले अन्य उपयुक्त बैंक तथा वित्तीय संस्थाहरू एक आपसमा गाभ्ने गाभिन (मर्ज) मा जाने भएकाे छ । मर्ज वा प्राप्ति (एक्विजिसन) गर्न तथा
वैदेशिक रणनीतिक साझेदारीमा जान उपयुक्त देखिएमा बैंकको चल अचल सम्पत्ति र दायित्व तथा कारोवारको मुल्यांकनका लागि मुल्याकनकर्ता नियुक्त गर्न, गाभ्ने गाभिने वा प्राप्ति गर्ने सम्बन्धी सम्झौता गर्न, वैदेशिक साझेदारीमा जाने सम्बन्धी निर्णय गर्न तथा सो सम्बन्धी आवश्यक सम्पूर्ण कार्य अगाडि बढाउन सञ्चालक समितिलाई अख्तियारी प्रदान गर्ने विशेष प्रस्ताव सभाले पारित गर्ने छ ।

साधारणसभा र लाभांश वितरण प्रयोजनको लागि पुस १६ गते १ दिनका लागि बुकक्लोज गर्ने निर्णय बैंकले गरेको छ । पुस १५ गतेसम्म नेपाल स्टक एक्सचेन (नेप्से) मा कायम भई कारोबार गर्ने सेयरधनीहरुले मात्र साधारणसभा भाग लिन र लाभांश प्राप्त गर्न सक्ने बैंकले जनाएको छ ।

प्रकाशित मिति: शुक्रबार, पुस ९, २०७८ ११:००

प्रतिक्रिया दिनुहोस्