४ घण्टापछि खुल्यो एयरपोर्ट

मुख्य समाचार

गृहपृष्ठ
मुख्य समाचार

४ घण्टापछि खुल्यो एयरपोर्ट

क्यापिटल नेपाल शुक्रबार, पुस १६, २०७८

काठमाडौं । बाक्लो हुस्सुले प्रभावित बनेको त्रिभुवन अन्तर्राष्ट्रिय विमानस्थलमा बिहान ११ बजेबाट उडानहरू सुचारु भएको अधिकारीहरूले बताएका छन्। शुक्रबार बिहान ११ बजेर २ मिनेटमा दोहाबाट आएको हिमालय एयरलाइन्सको विमान सुरुमा अवतरण गरेको थियो ।

विदेशबाटै आएका अन्य पाँचवटा विमानले अवतरण गरेका थिए । विदेशबाट नेपाल आएका जजीरा एयरवेज, कतार एयरवेज, हिमालय एयरलाइन्स, फ्लाई दुबई लगायतका विमानले केही समय आकासमा फन्को मारेका थिए।

विदेशबाट आएका विमानहरू राजधानीको आकाशमा फन्को मारेका थिए । कतिपय विमान भारततिर डाइभर्ट भएका थिए। बिहान विमानस्थल खुला भएयता कुनै पनि विमान उड्न वा अवतरण गर्न सकेको थिएन। यता बाक्लो हुस्सुका कारणल देशभरका विमानस्थल बन्द भएपछि यात्रुहरु एयरपोर्टमै अलपत्र परेका थिए ।