विमानस्थलमा हेल्थडेस्क र होल्डिङ सेन्टर

मुख्य समाचार

गृहपृष्ठ
मुख्य समाचार

विमानस्थलमा हेल्थडेस्क र होल्डिङ सेन्टर

क्यापिटल नेपालमंगलबार, माघ ४, २०७८

हुम्ला । कोभिडको नयाँ भेरियन्ट ओमिक्रोन संक्रमण देशभर बढ्दै गएपछि हुम्लाको सिमकोट विमानस्थलमा हेल्थडेस्क र होल्डिङ सेन्टर स्थापना गरिएको छ । हुम्लाबाट अन्तरजिल्ला पुग्ने छोटो हवाईयात्राको माध्याम भएकाले विमानस्थलमा हेल्थडेस्क स्थापना गरिएको हो ।

सोमबारदेखि सिमकोट विमानस्थलमा सिमकोट गाउँपालिका र स्वास्थ्य सेवा कार्यालयको समन्वयमा हेल्थडेस्क स्थापना गरिएको छ । प्रमुख जिल्ला अधिकारी गणेश आर्चायको संयोजकत्वमा बसेको जिल्ला कोभिड–१९ सङ्कट व्यवस्थापन समितिको बैठकले जिल्लाका मुख्य सीमानाकामा हेल्थडेस्क स्थापना गर्ने निर्णय गरेको स्वास्थ्य सेवा कार्यालयका प्रमुख प्रेम सिंहले जानकारी दिए ।

उनले सिमकोटबाट बाहिरिने र भित्रने सबै यात्रुको तीनपुस्ते विवरण लिने र स्वास्थ्य जाँच गर्ने काम सुरु भइसकेको र त्यसका लागि दुई स्वास्थ्यकर्मी खटाइएको बताए ।

अब चाँडै पैदलमार्गबाट जिल्ला भित्रने दुइटा नाका चंगेली गाउँपालिका–१ को मिमी र ताँजाकोट गाउँपालिका–१ को कवाडीमा पनि गाउँपालिकाको समन्वयमा हेल्थडेस्क र होल्डिङ सेन्टर स्थापना गर्ने तयारी भइरहेको प्रमुख सिंहले जानकारी दिए ।

प्रकाशित मिति: मंगलबार, माघ ४, २०७८ १०:३३

प्रतिक्रिया दिनुहोस्