सेञ्चुरी बैंकद्वारा भक्तपुरमा सीसीटीभी जडान गर्न १ लाख सहयोग

मुख्य समाचार

गृहपृष्ठ
मुख्य समाचार

सेञ्चुरी बैंकद्वारा भक्तपुरमा सीसीटीभी जडान गर्न १ लाख सहयोग

क्यापिटल नेपाल मंगलबार, फागुन २४, २०७८

काठमाडौं । भक्तपुर जिल्ला सीसीटीभी जडान समितिलाई सेञ्चुरी कमर्सियल बैंकले १ लाख रुपैयाँ नगद सहयोग प्रदान गरेको छ । साे बैंकले आफ्नो ११औं स्थापना दिवसको पूर्वसन्धामा समितिलाई सहयोग गरेको हो ।

साे बैंकका बागमती प्रदेश प्रमुख दीपेन्द्रबाबु बिष्टले समितिका कोषाध्यक्ष नवीन प्रजापतीलाई हस्तान्तरण गरे । समितिका कोषाध्यक्षले यस आर्थिक सहयोगबाट भक्तपुर जिल्लाको अपराध अनुसन्धान र अपराध नियन्त्रणलाई प्रमाणमुखी र प्रभावकारी बनाउन मुख्य राजमार्ग, मुख्य–मुख्य चोक, सिमानाका तथा प्रहरी चेक पोइन्टहरु समेतमा सीसीटीभी जडान गर्न सहज हुने बताए ।

साे बैंकको धुलिखेल शाखाले संस्थागत सामाजिक उत्तरदायित्व कार्यक्रमअन्तर्गत ज्येष्ठ नागरिक सेवा केन्द्र, काभ्रे धुलिखेललाई एक दर्जन कुर्सी, दुइवटा टेवल र एक थान दराज लगायतका फर्निचर प्रदान गरेको छ । ज्येष्ठ नागरिक सेवा केन्द्रका अध्यक्ष दिलसुन्दर श्रेष्ठको सभापतित्वमा भएको कार्यक्रममा प्रमुख जिल्ला अधिकारी हुमकला पाण्डेको प्रमुख आतिथ्यता थियो ।

साे अवसरमा बैंकले गीतामन्दिर सरसफाइसमेत गरेको थियो । सेञ्चुरी बैंकले काभ्रेमा सात शाखामार्फत सेवा प्रदान गर्दै आएको छ । यस्तै, बैंकले भक्तपुरमा तीनशा खामार्फत सेवा प्रदान गर्दै आएको बताएको छ ।

प्रकाशित मिति: मंगलबार, फागुन २४, २०७८ १४:४०

प्रतिक्रिया दिनुहोस्