ब्याजदर स्थिर राख्ने बैंकर्सको नीति, चैत महिनामा निक्षेपको ब्याजदर नबढ्ने

मुख्य समाचार

गृहपृष्ठ
मुख्य समाचार

ब्याजदर स्थिर राख्ने बैंकर्सको नीति, चैत महिनामा निक्षेपको ब्याजदर नबढ्ने

क्यापिटल नेपाल आइतबार, फागुन २९, २०७८

काठमाडौं । चैत महिनाका लागि बैंक वित्तीय संस्थाले निक्षेपतर्फको ब्याजदर नबढाउने भएका छन । मुद्दतीको ब्याजदर ११.०३ प्रतिशतलाई नै निरन्तरता दिने नीतिमा बैंकर्स एक ठाउँमा उभिएका छन् । ब्याजदर स्थिर राख्न बैंक वित्तीय संस्था तयार भएको नेपाल बैंकर्स संघका अध्यक्ष अनिकुमार उपाध्यायले बताए ।

’ब्याजदर बढाएका कारण बैंकिङ प्रणालीबाट निक्षेप घट्ने प्रवृति रोकिएर बढिरहेकाले केहि समय हेरौ भन्ने निर्णय हामीले गरेका हौं’, उनले भने ’ब्याजदरस्थिर राख्ने नीतिमा हामी सबै सहमत भएका हौं । चैत महिनाको ब्याजदर फागुनकै कायम राख्ने निर्णय भएको छ ।’

अर्थतन्त्रको अवस्था हेरेर आगामी दिनमा ब्याजदरसम्बन्धी निर्णय गरिने समेत बताए । मूल्यवृद्धि बढ्ने अवस्था आएमा आगामी महिनामा पुन ब्याजदर बढाएर अगाडि बढ्ने समेत उनले बताए ।

निक्षेपको ब्याजदर बढेकै आधारमा कर्जाको ब्याजदर पनि बढ्ने गर्छ । फागुनमा बढेको निक्षेपको ब्याजदरको असर वैशाखको आधार दरमा पर्ने देखिन्छ । आधारदर बढ्दा कर्जाको ब्याजदर पनि बढ्ने गर्छ ।

प्रकाशित मिति: आइतबार, फागुन २९, २०७८ १५:०७

प्रतिक्रिया दिनुहोस्