नबिल बैंक र नेपाल मोबाइल वितरक संघबीच सम्झौता, बैंकले मोबाइल खुद्रा विक्रेतालाई कर्जा दिने

मुख्य समाचार

गृहपृष्ठ
मुख्य समाचार

नबिल बैंक र नेपाल मोबाइल वितरक संघबीच सम्झौता, बैंकले मोबाइल खुद्रा विक्रेतालाई कर्जा दिने

क्यापिटल नेपाल बिहीबार, चैत ३, २०७८

काठमाडाैं । नबिल बैंकले साना तथा मझौला स्तरका मोबाइल बिक्री वितरण गर्ने व्यवसायीहरुको वित्तीय आवश्यकता समाधान गर्ने उद्देश्यले सम्झौता गरेको हो।

याे सम्झौताअन्तर्गत मोबाइल वितरकको सञ्जालमा रहेका खुद्रा बिक्रेताहरुलाई लक्षित गरी बैंकले आकर्षक ब्याजदर र धितो अनुपातमा चालू पुँजीमा लगानी गर्ने उद्देश्यका साथ च्यानल फाइनान्सिङ कर्जा उपलब्ध गराउनेछ।

बैंकको कर्जानीतिको अधिनमा रहेर विभिन्न बैंकिङ सुविधाहरु प्राप्त हुने सम्झौतामा उल्लेख छ। सम्झौतामा नबिल बैंकका तर्फबाट साना, मझौला तथा लघुवित्त कर्जा प्रमुख निरजकुमार बस्नेत (डनिल), र नेपाल मोबाइल वितरक संघका अध्यक्ष दिनेश चुल्याड्योले हस्ताक्षर गरेका हुन्।

साझेदारीका बारेमा बोल्दै बस्नेतले नबिल बैंक सधैं साना तथा मझौलास्तरका व्यवसायीको दिगो विकासका लागि समय–सान्दर्भिक कर्जा तथा सुविधाहरु सरल र सहज किसिमले उपलब्ध गराउन लागि परेको बताए।

याे साझेदारीअन्तर्गत संघसँग आबद्ध भएर नेपालभरि छरिएर रहेका मोबाइल वितरक व्यवसायीहरुको वित्तीय आवश्यकता समाधान गर्ने लक्ष्य रहेको बैंकले जनाएको छ।

प्रकाशित मिति: बिहीबार, चैत ३, २०७८ ०९:४५

प्रतिक्रिया दिनुहोस्