सगरमाथा क्षेत्रकाे खुम्बुमा बाह्य पर्यटकको चहलपहल

मुख्य समाचार

गृहपृष्ठ
मुख्य समाचार

सगरमाथा क्षेत्रकाे खुम्बुमा बाह्य पर्यटकको चहलपहल

क्यापिटल नेपाल शनिबार, चैत २६, २०७८

सोलुखुम्बु । पर्यटकीययाम सुरु भएसँगै सगरमाथा क्षेत्र खुम्बुमा बाह्य पर्यटक आउने क्रम बढेको छ । वसन्त ऋतु सुरु हुन लागेसँगै खुम्बु क्षेत्र भित्रिने बाह्य पर्यटकको सङ्ख्यामा वृद्धि हुँदै गएको हो ।

खुम्बु क्षेत्रमा पछिल्लो एक हप्तामा ९ सयभन्दा बढी बाह्य पर्यटक भित्रिएको खुम्बु पासाङल्हामु गाउँपालिकाले जनाएको छ ।

अहिले लुक्लास्थित तेन्जिङ हिलारी विमानस्थलमा समेत चहलपहल बढेको नागरिक उड्डयन प्राधिकरण लुक्ला शाखाका कर्मचारी खुमप्रसाद पौडलले बताए।

लुक्लामा दैनिक ४५ वटासम्म हेलिकप्टर र ३५ वटासम्म जहाजले उडान भर्ने गरेका छन् । एकैदिनमा १४ वटा जहाजमार्फत २६६ र ४५ वटा हेलिकोप्टर मार्फत २२५ सम्म पर्यटक खुम्बु भित्रिने गरेको उहाँको भनाइ थियो । अहिले भित्रने यात्रुको चाप बढी र फर्कने यात्रु शून्यजस्तै हुने गरेको विमानस्थल कार्यालयले जनाएको छ ।

प्रकाशित मिति: शनिबार, चैत २६, २०७८ १३:१८

प्रतिक्रिया दिनुहोस्