करोडको स्याउ बारीमै थन्कियो

प्रदेश -६

गृहपृष्ठ
प्रदेश -६

करोडको स्याउ बारीमै थन्कियो

क्यापिटल नेपाल सोमबार, भदौ २३, २०७६

बाजुरा । सडकको सहज पहुँच नहुँदा करोडको स्याउ बारीमै थन्किएपछि किसान चिन्तित बनेका छन् ।

मार्तडी कोल्टी सडक वर्षात्का कारण अवरुद्ध बनेपछि ढुवानी समस्याकै कारण करोड मूल्यको स्याउ बारीमै थन्किएको हो । जिल्लाको स्वामिकात्तिक, जगन्नाथ गाउँपालिकाबाट पिलुचौर ल्याएर ढुवानी गर्ने सोच बनाएका स्याउ किसानको सपना समयमै सडक नखुल्दा टुटेको छ ।

जिल्लामा एक हजार ५० मेट्रिक कटन स्याउ उत्पादन हुने तथ्याङ्क छ । बारीमै १५ रूपैयाँ प्रतिकिलोमा बिक्री गर्दा पनि किसानको हातमा पौने दुई करोड पर्नुपर्ने हो, तर किसानले सडक समस्याकै कारण बर्सेनी नोक्सानी बेहोर्न बाध्य छन् ।

४३ किलोमिटर मार्तडी कोल्टी सडकका लागि ३५ करोड बढी खर्च गरी सकिएको छ । तर पनि हरेक वर्षात्मा बाटो बन्द हुने गरेको छ ।

कृषि ज्ञान केन्द्र बाजुराका अनुसार यो वर्ष स्याउ उत्पादन बढेको छ । यकिन तथ्याङ्क नआएपनि २० प्रतिशतले उत्पादन बढेको अनुमान केन्द्रले गरेको कृषि प्रसार अधिकृत एवं सूचना अधिकारी मीनप्रसाद जैशीले बताए ।

स्याउ बारी नजिक उचित बजार नहुनु र मार्तडी कोल्टी सडक बन्द हुनु किसानका लागि अभिसाप बनेको छ । बारीमै कुहिएर, आफन्तलाई दिएर वा आफूले खाएर पनि डेढ करोड रूपैयाँको स्याउ उत्पादन हुने गरेको छ । जिल्लाको २३० हेक्टरमा स्याउखेती गरिएको छ । रासस

प्रकाशित मिति: सोमबार, भदौ २३, २०७६ १०:५०

प्रतिक्रिया दिनुहोस्