दमक फुडफेस्टिभलमा ५० लाखको कारोबार

मुख्य समाचार

गृहपृष्ठ
मुख्य समाचार

दमक फुडफेस्टिभलमा ५० लाखको कारोबार

क्यापिटल नेपाल बुधबार, चैत ३०, २०७८

दमक । झापाको दमकमा यही चैत २३ देखि २९ चैतसम्म सञ्चालित आठौं दमक फुड फेस्टिभलमा करिब ५० लाख रूपैयाँको कारोबार भएको छ ।

होटल व्यवसायी सङ्घ दमकको आयोजनामा आयोजित फुडफेस्टिभलमा करिब एक लाख व्यक्तिले अवलोकन गरेको कार्यक्रम संयोजक भुपेन्द्रप्रसाद न्यौपानेले जानकारी दिए । धार्मिक, पर्यटकीय क्षेत्र तथा स्थानीय जनजातिका परिकारको प्रचारप्रसार गरी आन्तरिक पर्यटक भित्र्याउने उद्देश्यका साथ फुडफेस्टिभल आयोजना गरिएको उनले बताए। उक्त फेस्टिभलमा स्थानीय तथा राष्ट्रिय कलाकारले सातै दिन साङ्गीतिक प्रस्तुति दिएका थिए ।

कोरोना महामारीका कारण तीन वर्ष फेस्टिबल हुन सकेको थिएन । यस वर्ष जोखिम घटेसँगै फेस्टिभलमा अवलोकनकर्ताको उत्साहजनक सहभागिता रहेको आयोजक होटल व्यवसायी सङ्घका अध्यक्ष योगराज दङ्गालले बताए। फेस्टिबलमा तीन दर्जनभन्दा बढी विभिन्न किसिमका व्यावसायिक कक्ष राखिएका थिए ।

सो फेस्टिभलका अवसरमा हिमशिखर टेलिभिजका पत्रकार सुदीप अधिकारीलाई दमक पर्यटन पत्रकारिता पुरस्कार प्रदान गरिएको थियो । सङ्घले हरेक वर्ष यो पुरस्कार स्थानीय एकजना पत्रकारलाई नगद, प्रमाणपत्रसहित प्रदान गर्दै आएको छ । फुड फेस्टिभल समापनमा दमक नगरपालिकाका प्रमुख रोमनाथ ओली, होटल व्यवसायी महासङ्घका प्रदेश नं १ का अध्यक्ष राजन दङ्गाल, दमक–७ का वडाध्यक्ष भीम पौडेललगायतको उपस्थिति थियो ।

प्रकाशित मिति: बुधबार, चैत ३०, २०७८ ११:११

प्रतिक्रिया दिनुहोस्