नयाँ वर्ष सुरु भएसँगै बढ्यो सुनचाँदीको मूल्य, कतिमा हुँदैछ कारोबार ?

मुख्य समाचार

गृहपृष्ठ
मुख्य समाचार

नयाँ वर्ष सुरु भएसँगै बढ्यो सुनचाँदीको मूल्य, कतिमा हुँदैछ कारोबार ?

क्यापिटल नेपालशुक्रबार, वैशाख २, २०७९

काठमाडौं । नयाँ वर्ष २०७९ सुरु भएसँगै सुनचाँदीको मूल्य बढेको छ । वैशाख १ गते स्थिर रहेको सुनको मूल्य २ गते शुक्रबार प्रतितोला ५ सय रुपैयाँले बढेको हो । सुनको मूल्यसँगै चाँदीको मूल्य पनि तोलामा १५ रुपैयाँले बढेको नेपाल सुनचाँदी व्यवसायी महासंघले जनाएको छ ।

आज नेपाली बजारमा छापावाल सुन १ लाख २ हजार रुपैयाँमा किनबेच भइरहेको छ । २०७८ चैत ३० र २०७९ वैशाख १ गते भने छापावाल सुनको मूल्य १ लाख १ हजार ५ सय रुपैयाँ कायम थियो । त्यस्तै हिजो १ लाख १ हजार रुपैयाँ रहेको तेजावी सुनको मूल्य आज १ लाख १ हजार ५ सय रुपैयाँ निर्धारण भएको महासंघले जनाएको छ ।

त्यस्तै चाँदीको मूल्य पनि १५ रुपैयाँले बढेर प्रतितोला १४ सय १५ रुपैयाँ निर्धारण भएको महासंघले जनाएको छ । नयाँ वर्षको दिन चाँदीको मूल्य प्रतितोला १४ सय रुपैयाँ कायम रहेको थियो ।

प्रकाशित मिति: शुक्रबार, वैशाख २, २०७९ १२:०९

प्रतिक्रिया दिनुहोस्