बिहीबार सुनको मूल्य ३ सय रुपैयाँले बढ्याे, चाँदीकाे घट्यो

मुख्य समाचार

गृहपृष्ठ
मुख्य समाचार

बिहीबार सुनको मूल्य ३ सय रुपैयाँले बढ्याे, चाँदीकाे घट्यो

क्यापिटल नेपालबिहीबार, वैशाख ८, २०७९

काठमाडौं । स्थानीय बजारमा बिहीबार सुनको मूल्य बढ्दा चाँदीको मूल्य घटेको छ । सुनको मूल्य प्रतितोला ३ सय रुपैयाँले बढे पनि चाँदी ५ रुपैयाँले घटेको नेपाल सुनचाँदी व्यवसायी महासंघले जनाएको हो ।

छापावला सुनको मूल्य आज तोलाको ३ सयले बढेर १ लाख ९ सय रुपैयाँ कायम भएको छ । छापावाल सुन हिजो बुधबार प्रतितोला १ लाख ६ सय रुपैयाँमा कारोबार भएको थियो । छापावाल सुनसँगै तेजावी सुन पनि बढेर १ लाख ४ सय रुपैयाँ पुगेको छ । बुधबार तेजावी सुनको मूल्य प्रतितोला १ लाख १ सय रुपैयाँ रहेको थियो ।

बिहीबार सुनको मूल्य बढे पनि चाँदीको मूल्यमा भने गिरावट आएको छ । महासंघका अनुसार आज ५ रुपैयाँले घटेर चाँदीको मूल्य १३ सय ८० रुपैयाँ निर्धारण भएको छ । हिजो चाँदीको मूल्य १३ सय ८५ रुपैयाँ रहेको थियो ।

प्रकाशित मिति: बिहीबार, वैशाख ८, २०७९ ११:५३

प्रतिक्रिया दिनुहोस्