कर्मचारी बेहोस बनाएको भन्दै निगमका अध्यक्ष अधिकारीको कार्यकक्षमा ताला,राजीनामा माग

मुख्य समाचार

गृहपृष्ठ
मुख्य समाचार

कर्मचारी बेहोस बनाएको भन्दै निगमका अध्यक्ष अधिकारीको कार्यकक्षमा ताला,राजीनामा माग

क्यापिटल नेपालसोमबार, वैशाख १९, २०७९

काठमाडौं । कर्मचारीलाई थुनेर बेहोस बनाएपछि असन्तुष्ट पक्षले नेपाल वायुसेवा निगमका कार्यकारी अध्यक्ष युवराज अधिकारीको कार्यकक्षमा ताला लगाएका छन् ।

निगममा कार्यरत वरिष्ठ सहायक देवराज ओझालाई संस्कृति, पर्यटन तथा नागरिक उड्डयनमन्त्री प्रेम आलेले स्पष्टीकरण सोधको विषयको सूचना मिडियामा लगेको भन्दै अधिकारीले कार्यकक्षमा बोलाएर दुर्व्यवहार गर्दा कर्मचारी बेहोस भएका थिए।

बेहोस भएका कर्मचारीलाई अधिकारी आफैले आफ्नो गाडीमा हालेर अस्पताल लगेका थिए। अस्पतालमै कर्मचारीले अधिकारीलाई घेराउ गरेका थिए।

अधिकारी केही दिनअगाडि मात्रै ओझालाई आफ्नै कार्यकक्षमा बोलाएर जागिरसमेत खाइदिने धम्की दिएका थिए। फेरि आज दोस्रो पटक अधिकारीले उनलाई आफ्नै कार्यकक्षमा बोलाएर धम्की दिँदै गर्दा ओझा बेहोस भएका थिए।

सोही विषयलाई लिएर उनको कार्यकक्षमा ताला लगाउँदै राजीनामा माग गरिएको नेपाल वायुसेवा निगम कर्मचारी संघका अध्यक्ष मानबहादुर कुँवरले बताए।

मन्त्री आलेले अधिकारीलाई अनावश्यक मान्छे साउदी अरब उडानमा लगेको र निजी कम्पनीलाई जहाज भाडामा दिएको विषयमा स्पष्टीकरण सोधेका थिए।

प्रकाशित मिति: सोमबार, वैशाख १९, २०७९ २०:०६

प्रतिक्रिया दिनुहोस्