भारतीय प्रधानमन्त्री मोदी लुम्बिनी आइपुगे,६ घण्टा लुम्बिनीमा रहने

मुख्य समाचार

गृहपृष्ठ
मुख्य समाचार

भारतीय प्रधानमन्त्री मोदी लुम्बिनी आइपुगे,६ घण्टा लुम्बिनीमा रहने

क्यापिटल नेपालसोमबार, जेठ २, २०७९

काठमाडौं । भारतीय प्रधानमन्त्री नरेन्द्र मोदी लुम्बिनी आइपुगेका छन् । उनको यो भ्रमणसहित प्रधानमन्त्रीको हैसियतमा मोदीको यो पाँचौ नेपाल यात्रा हो।

मोदीलाई प्रधानमन्त्री शेरबहादुर देउवाले स्वागत गरेका छन् । प्रधानमन्त्री देउवाको निमन्त्रणामा मोदी लुम्बिनी आएका हुन्। योसँगै मोदी लुम्बिनी आउने मोदी पहिलो भारतीय प्रधानमन्त्रीसमेत बनेका छन् ।

मोदी र देउवासहितको प्रतिनिधिमण्डल मायादेवी मन्दिरको दर्शन गरिरहेका छन्। त्यसपछि दुई प्रधानमन्त्रीले भारतीय सहयोगमा बन्ने बौद्ध सांस्कृतिक केन्द्रको शिलान्यास गर्नेछन्। मोदी ६ घण्टा लुम्बिनीमा रहनेछन्।

भारतका विशिष्ट अतिथिलाई प्रधानमन्त्री देउवाकी धर्मपत्नी डा. आरजु राणा देउवा, गृहमन्त्री बालकृष्ण खाण, परराष्ट्रमन्त्री डा. नारायण खड्का, भौतिक पूर्वाधार तथा यातायातमन्त्री रेनुकुमारी यादव, संस्कृति, पर्यटन तथा नागरिक उड्डयनमन्त्री प्रेमबहादुर आले, शिक्षा, विज्ञान तथा प्रविधिमन्त्री देवेन्द्र पौडेलले स्वागत गरेका थिए ।

प्रकाशित मिति: सोमबार, जेठ २, २०७९ ११:२७

प्रतिक्रिया दिनुहोस्