सर्वसाधारणलाई सेयर जारी गर्दै आदर्श लघुवित्त

मुख्य समाचार

गृहपृष्ठ
मुख्य समाचार

सर्वसाधारणलाई सेयर जारी गर्दै आदर्श लघुवित्त

क्यापिटल नेपालसोमबार, जेठ २३, २०७९

काठमाडाैं । आदर्श लघुवित्त वित्तीय संस्था लिमिटेडले सर्वसाधारणका लागि साधारण सेयरको निष्काशन तथा बिक्री खुला गर्ने भएको छ ।

कम्पनीले आगामी असार १ गतेदेखि प्रतिकित्ता १ सय रूपैयाँ अङ्कित ६७ लाख रूपैयाँ बराबरको ६७ हजार कित्ता प्रारम्भिक सार्वजनिक निष्कासन(आइपीओ)को बिक्री खुला गर्ने लागेको हो । सर्वसाधारणका लागि कम्पनीले प्रतिकित्ता १ सय रूपैयाँ अङ्कित दरमा ६२ हजार ६१५ कित्ता सेयर बिक्री गर्ने प्रायोजनका लागि दरखास्त आह्वान गरेको छ ।

कम्पनीका अनुसार कुल ६७ हजार कित्ता शेयरमध्ये एक हजार ३५ कित्ता कम्पनीका कर्मचारी र निष्कासनको पाँच प्रतिशतले हुने ३ हजार ३५० कित्ता सामूहिक लगानी कोषलाई छुट्याई बाँकी ६२ हजार ६१५ कित्ता सेयर खरिदका लागि सर्वसाधारणले आवेदन दिन सक्नेछन् ।

निष्कासन गरिने सेयरमा इच्छुक लगानीकर्ताले छिटोमा आगामी असार ६ सम्म न्यूनतम १० कित्तादेखि अधिकतम एक हजार कित्तासम्म आवेदन दिन पाउने छन् । यो समयमा मागबमोजिम आवेदन नआए असार १५ गतेसम्म निष्कासन खुला रहने कम्पनीले जनाएको छ ।

लगानीकर्ताले नेपाल धितोपत्र बोर्डबाट स्वीकृत प्राप्त गरेका सम्पूर्ण सी आस्वा सदस्य बैंक तथा वित्तीय संस्था र तिनका शाखा कार्यालयका साथै अनलाइनमार्फत ‘मेरो सेयर’ प्रयोग गरेर सेयर खरिदका लागि आवेदन दिन सकिने सार्वनजिक सूचनामा उल्लेख छ ।कम्पनीको धितोपत्र निष्काशन तथा बिक्री प्रबन्धक बिओके क्यापिटल मार्केट लिमिटेड रहेको छ । कम्पनीलाई केयर रेटिङ नेपालले ‘केयरनपी बी प्लस आईएस्’ ग्रेडिङ प्रदान गरेको छ ।

प्रकाशित मिति: सोमबार, जेठ २३, २०७९ १४:३२

प्रतिक्रिया दिनुहोस्