भारत सरकारलाई अडानीको सहयाेगः कम मूल्यमा २४ लाख टन कोइला आपूर्ति गर्ने

मुख्य समाचार

क्यापिटल नेपाल सोमबार, असार २०, २०७९

एजेन्सी । भारत तथा एसियाकै सर्वाधिक धनी गौतम अडानीले सरकारका लागि पनि कोइला मगाउने तयारी गरेका छन् ।

अडानी ग्रुपको फ्ल्यागसिपम कम्पनी अडानी इन्टरप्राइजेज लिमिटेडले कोल इन्डियाको पहिलो कोइला इम्पोर्ट टेन्डरमा सबभन्दा कमको बोली लगाएका छन् ।

कोल इन्डियाले पावर जेनेरेसन कम्पनीको तर्फबाट यो टेन्डर आह्वान गरेको हो ।

अडानी इन्टरप्राइजेजले फ्रेट अन रोड बेसिसमा २४.१६ लाख टन कोइला आपूर्ति गर्न ४ हजार ३३ करोड रुपैयाँ भारुको बोली लगाएकाो छ ।

यस्तै मोहित मिनरल्सले ४ हजार १८२ करोड र चेटिनाड लजिस्टिकले ४ हजार २२२ करोड रुपैयाँ भारुको बोली लगाएका थिए ।

शुक्रबार बोली खोलिएको भारतीय सञ्चारमाध्यमले बताएका छन् ।

टेन्डरअनुसार आयात हुने कोइला विभिन्न सात राज्यका विद्युत् उत्पादन कम्पनी र १९ प्राइभेट पावर प्लान्ट्समा जानेछ ।

भारत सरकारले मनसुनअघि नै कोइलाको पर्याप्त भण्डारण गर्न चाहेको छ । मनसुनले कोइला उत्खनन प्रभावित हुने र सप्लाई कम हुने गर्छ ।

यस्तै मनसुनपछि देशमा बिजुलीको माग चरम अवस्थामा पुग्छ । खेतीपातीसँग जोडिएका गतिविधिमा तीव्रता र गर्मी बढ्दा यस्तो हुने सरकारको बुझाइ छ ।

प्रकाशित मिति: सोमबार, असार २०, २०७९ १०:४३

प्रतिक्रिया दिनुहोस्

ताजा समाचार

लोकप्रिय