उद्योगमन्त्री बडुले भने 'निजी क्षेत्रको काममा सरकार बाधक हैन, सहकार्य गरेर अगाडि बढ्ने छ'

उद्योग

गृहपृष्ठ
उद्योग

उद्योगमन्त्री बडुले भने 'निजी क्षेत्रको काममा सरकार बाधक हैन, सहकार्य गरेर अगाडि बढ्ने छ'

क्यापिटल नेपालबिहीबार, साउन २६, २०७९

काठमाडौं । उद्योग, वाणिज्य तथा आपुर्तिमन्त्री दिलेन्द्रप्रसाद बडुले निजी क्षेत्रको काममा सरकार बाधक नबन्ने बताएका छन् । मन्त्री बडुले निजी क्षेत्रसँग सरकार बाधक हाेइन बरू सहकार्य गरेर काम गर्न तयार रहेको बताए ।

उद्योग मन्त्रालय र नेपाल उद्योग वाणिज्य महासंघबीच समझदारी पत्रमा भएको हस्ताक्षर कार्यक्रममा बोल्दै मन्त्री बडुले भने 'तपाईहरुलाई कहाँ-कहाँ समस्या छ, हामी समाधानका लागि तयार छौ ।'

उनले लगानीकर्ताहरुलाई लगानी सुरक्षित भएकाे विश्वास दिलाए । यस्तै, मन्त्री बडुले विदेशी लगानीकर्ताहरुलाई पनि लगानीको वातावरण बनाउन सरकार हरपल तयार भएकाे जानकारी दिए । उनले भने 'पहिला के भयो र कस्तो थियो, त्यसलाई बिर्सिएर सरकार अब नयाँ तरिकाले काम गर्न तयार छ ।' पहिला भएका केही नीतिगत रुपमा सुधार गर्नुपर्ने केही भए सरकार पूर्ण रुपमा तयार /रहेकाे पनि उनले प्रष्ट पारे ।

प्रकाशित मिति: बिहीबार, साउन २६, २०७९ २०:५२

प्रतिक्रिया दिनुहोस्