हाइड्रो भिलेजले ५७ मेगावाटको म्यादीखोला जलविद्युत् आयोजना बनाउने, इआएको काम सुरु

मुख्य समाचार

गृहपृष्ठ
मुख्य समाचार

हाइड्रो भिलेजले ५७ मेगावाटको म्यादीखोला जलविद्युत् आयोजना बनाउने, इआएको काम सुरु

क्यापिटल नेपाल मंगलबार, असोज ७, २०७६

काठमाडौं । म्याग्दीको धौलागिरी गाउँपालिका–४ मा प्रस्तावित म्यादीखोला जलविद्युत् आयोजना निर्माण प्रक्रिया अघि बढेको छ । ५७.३ मेगावाटको उक्त आयोजना नदीको वहावमा आधारित (रन अफ दि रिभर) प्रकृतिमा निर्माण हुने भएको हो ।

हाइड्रो भिलेज प्रालिले निर्माण गर्न लागेको आयोजनाका लागि वातावरणीय प्रभाव मुल्याङ्कन(इआए) प्रतिवेदनका लागि राय सुझाव माग गर्ने काम अघि बढेको कम्पनीले जनाएको छ ।

म्याग्दी खोलाको पानी ४ मिटर उचाइको बाँध निर्माण गरी १२.५१ घनमिटर प्रतिसेकेन्डको पानी इन्टेक मार्फत भूमिगत बालुवा थिग्राउने पोखरीमा पुर्याइ सुरुङमार्फत पानी पठाइनेछ ।

५६५५ मिटर लामो सुरुङमार्गमार्फत पानी पठाइएर विद्युत् गृहमा जडिट २ ओटा टर्वाइन घुमाएर विद्युत् उत्पादन गर्ने योजना छ । आयोजनाले करिव ८ किमी सडक निर्माण गर्नुपर्नेछ ।

आयोजना निर्माणका लागि स्थायी र अस्थायी रुपमा करिव १२.६२ हेक्टर जग्गा आवश्यक पर्नेछ । ५ घरधुरीको २.२६ हेक्टर निजी जग्गा अधिग्रहण र ५११ रुख काट्नुपर्ने देखिएको प्रवद्धक कम्पनी हाइड्रोभिलेज प्रालिले जनाएको छ ।

त्यस्का लागि इआए प्रतिवेदन निर्माण गर्न सर्वसाधारण व्यक्ति वा संस्थाको रायसुझाव माग गरिएको हो । ३० दिनभित्र लिखित रुपमा राय सुझाव पठाउन आयोजनाले सार्वजनिक रुपमा आह्वान गरेको हो ।

प्रकाशित मिति: मंगलबार, असोज ७, २०७६ ११:३८

प्रतिक्रिया दिनुहोस्