बनेपामा बन्दकर्तालाई कुटपिटगरी स्थानीयले प्रहरीको जिम्मा लगाए

मुख्य समाचार

गृहपृष्ठ
मुख्य समाचार

बनेपामा बन्दकर्तालाई कुटपिटगरी स्थानीयले प्रहरीको जिम्मा लगाए

क्यापिटल नेपाल मंगलबार, भदौ ७, २०७९

काठमाडौं । काभ्रे बनेपामा बन्द गराउँदै हिँडेका पल राउतलाई स्थानीयले कुटपिट गरी प्रहरीको जिम्मा लगाएका छन्।

मंगलबार बिहान बनेपाको चारदोबाटोमा गाडीमाथि ढुंगा प्रहार गरेपछि चालक र सह-चालकले ती व्यक्तिलाई कुटपिट गरी प्रहरीको जिम्मा लगाएका हुन्।

पक्राउ पर्नेमा नरहरीनाथ नगरपालिका, कालिकोटका २४ वर्षिय राउत छन्।

बन्द गराउँदै हिँडेका राउतले बसमा ढुंगा प्रहार गरेपछि आक्रोशित चालक र सहचालकसँगै जम्मा भएका स्थानीयले घेरेका थिए।

स्थानीयले बन्दकर्तालाई कुटपिट गरेपछि प्रहरी घटनास्थल पुगेको थियो। लगतै स्थानीयले प्रहरीको जिम्मा लगाएकाे प्रहरीले जनाएकाे छ।

पक्राउ परेका ती व्यक्ति चार कम्युनिष्ट पार्टीको मध्ये एक पार्टीको कार्यकर्ता रहेको बताइएकाे छ। एसपी जोशीका अनुसार थप अनुसन्धानका लागि अहिले ती व्यक्तिलाई जिल्ला प्रहरी कार्यालयमा राखिएको छ।

ती युवकमाथि चोटपटक नलागे पनि कपडा च्यातिएकाे प्रहरीले जानकारी दियाे। उनी प्रहरीकाे नियन्त्रणमा छन्।

आज चार कम्युनिष्ट पार्टीको संयुक्त मोर्चाले बन्द आव्ह्रान गरेका थिए। बन्दकर्ताहरुले ठाउँ-ठाउँमा सार्वजनिक सवारीहरुमा तोडफोड गरेका छन् । अहिलेसम्म दुई दर्जनबढी बन्दकर्ताहरू पक्राउ परिसकेका छन्।

प्रकाशित मिति: मंगलबार, भदौ ७, २०७९ १२:०६

प्रतिक्रिया दिनुहोस्