पर्यटनमन्त्रीलाई लाइनमा बस्न आग्रह गर्ने छायाँ सेन्टरका सुरक्षागार्ड शेरजंग कुँवर पक्राउ

मुख्य समाचार

गृहपृष्ठ
मुख्य समाचार

पर्यटनमन्त्रीलाई लाइनमा बस्न आग्रह गर्ने छायाँ सेन्टरका सुरक्षागार्ड शेरजंग कुँवर पक्राउ

क्यापिटल नेपाल आइतबार, भदौ १९, २०७९

काठमाडौं । संस्कृति, पर्यटन तथा नागरिक उड्डयनमन्त्री जीवनराम श्रेष्ठलाई लाइन बस्न आग्रह गर्ने ठमेलस्थित छायाँ सेन्टरका सुरक्षागार्ड शेरजंग कुँवर पक्राउ परेका छन् । शुक्रबार छायाँ सेन्टरमा बायो मेट्रिक दिन पुगेका पर्यटनमन्त्री श्रेष्ठलाई लाइन बस्न आग्रह गरेका कारण सुरक्षागार्ड कुँवर पक्राउ परेका हुन् ।

पक्राउ परेका सुरक्षागार्ड कुँवर छायाँ सेन्टरको ‘ग्रुप फोर सेक्युरिटी’मा कार्यरत छन् । उनलाई जिल्ला प्रहरी परिसर, काठमाडौंले पक्राउ गरेको हो । कुँवरलाई अभद्र व्यवहारसम्बन्धी कसुरमा पक्राउ गरी अनुसन्धान भइरहेको प्रहरीले जनाएको छ ।

अन्य सेवाग्राही लाइन बसिरहेका बेला छायाँ सेन्टर पुगेका मन्त्री क्षेष्ठलाई सुरक्षार्गाडले लाइनमै बस्न भनेर अगाडि बढ्न रोकेका थिए । मन्त्रीका सुरक्षा अधिकृतले जीवनराम श्रेष्ठ पर्यटनमन्त्री भएको बताए पनि सुरक्षागार्ड कुँवरले लाइनमै बस्न आग्रह गरेपछि उनलाई पक्राउ गरिएको हो ।

प्रकाशित मिति: आइतबार, भदौ १९, २०७९ १४:५१

प्रतिक्रिया दिनुहोस्