अरुण तेस्रोको २५ प्रतिशत काम सकियो, ३ वर्षमा ९०० मेगावाट बिजुली उत्पादन हुने

मुख्य समाचार

गृहपृष्ठ
मुख्य समाचार

अरुण तेस्रोको २५ प्रतिशत काम सकियो, ३ वर्षमा ९०० मेगावाट बिजुली उत्पादन हुने

क्यापिटल नेपालआइतबार, असोज १२, २०७६

सङ्खुवासभा । जिल्लाको मकालु गाउँपालिकामा निर्माणाधीन ९०० मेगावाटको अरुण तेस्रो जलविद्युत् आयोजनाको काम २५ प्रतिशत सम्पन्न भएको छ ।

आयोजनाको काम निर्धारित समयमै सम्पन्न गर्न तीव्रता दिएको ऊर्जा मन्त्रालयका सचिव दिनेशकुमार घिमिरेले बताए। आयोजना २०७९ भदौसम्म सम्पन्न गर्ने लक्ष्य राखिएको छ ।

स्थलगत अनुगमनका लागि आएका सचिव घिमिरेले निर्धारित समयमा अरुणबाट बिजुली निस्कनेमा आशावादी भएको बताए ।

फ्याक्सिदामा सहायक सुरुङमार्गको काम सम्पन्न गरी मुख्य सुरुङको ७९० मिटर पुर्याइएको सतलज जलविद्युत निगम लिमिटेडले जनाएको छ । ११ किलोमिटर रहेको सुरुङमार्ग आठ स्थानबाट खन्ने काम धमाधम चलिरहेको छ ।

वडा नं ५ मा रहेको बाँध फ्याक्सिदामा भारतीय निर्माण कम्पनी जयप्रकाश एशोसियटस् र पावर हाउस रहेको दिदिङमा पटेल इञ्जिनीयरिङ कम्पनीले काम गरिरहेको छ । अरुण तेस्रो आयोजनाले कामलाई गति दिन ३३ केभी प्रशारण लाइनको विद्युत् विस्तार तीव्र बनाएको छ ।

भारत निकासी प्रयोजनका लागि निर्माण थालिएको आयोजनाले १९८ मेगावाट बिजुली नेपाललाई निशुल्क दिने छ ।

प्रकाशित मिति: आइतबार, असोज १२, २०७६ २१:२४

प्रतिक्रिया दिनुहोस्